عندما رأيت فلم أيام السادات منذ أكثر من 20 عاما وكنت وقتها أحبو نحو التنظيم النقابى أستوقفنى مشهد الرئيس السادات فى قصره فى ميت أبو الكوم وتحديدا مشهده الشهير مع حلاقه الخاص والذى دونه فى أحدى كتاباته الخاصة والحلاق قله ياريس الفلسطينين زعلانين منك علشان عملية السلام ألى عملتها مع اسرائيل وطنشتهم راح الرئيس قاله على قصه المحل وقاله انت عندك محل وجم ناس خدوه منك بالعافية زعقت ولميت الناس حوليك محدش سئل فيك وأنا جبتلك كرسي جوة المحل وقولتلك اقعد تقوم تقولى لا ياالمحل كله يابلاش , طاب اقعد دلوقتى ووحدة وحدة حتاخد المحل كله .
وهوة دة النهج الذى اتخذته فى منهجى فى العمل النقابى وعلى فكرة أيامها فعلا كانت بداية تحول مصر بالكامل من النظام الأشتراكى الى نظام الأقتصاد الحر ودى رسالة كان الرئيسي السادات وقتها بيبعتها للى عايز يفهم انى الأوضاع مبقتش ذى الاول ومثلا فى الساحة العمالية اختلفت كتر عن الاول وأصبح العمل النقابى علم مش صوت عالى علشان تقدر تاخد حق عمالك وكمان التثقيف والشفافية ليهم دور كبير مع عمالك ولعل التثقيف يمر الأن فى مصر بأزمة حقيقية فهم أعطو موضوع التثقيف من سواق دبابة الى سواق توكتوك ففاقد الشيء لا وال يمكن ان يعطية والمسؤل الاول والاخير عنه هو أتحاد عمال مصر والذى زج ببعض نقابين أتو نتيجة فوضى أحداث 25 يناير الماضية وكل أى يقدروا علية انهم يستدعو دكتور أكاديمى يدفعوله ألاف الجنيهات لكى يشرح الموضوع فقط لأنهم ليس لديهم واحد من الاتحاد يوحد ربنا من الممكن يستفيد منه النقابيون الجدد وفعلا ماتعرفش قيمة أمك الا لما تشوف معاملة مرات ابوك ونقولها بصراحة تحية للنقابين القدامى والذين تتلمذنا على يديهم فهم كانو يمتزجون خليطا من الخبرة والأكاديمى سويا والعمل النقابى معا / وللأسف الأسبوع الماضى سئلنى أحد النقابيون الجدد عن ماهى اتفاقية العمل الثلاثى ومن هم ممثليهم فضربت كف على كف وقولت فى بالى / أنا لله وانا اليه راجعون . أنتهى المقال
(( رسائل ))

(( الرئيس / عبد الفتاح السيسى / رئيس الجمهورية ))

شوف ياريس الحاجة الوحيدة فى مصر ألى ادانا كتير على مدار ألاف السنين ومخد ش مننا أي حاجة هوه (( نهر النيل )) ودلوقتى هوة بيستغيث بينا فلا نبخل علية بالغنى والنفيس / من الأخر أعقلها وتوكل وكلنا معاك ياريس .

(( الدكتور / سامح شكرى / وزير الخارجية ))

بصراحة جولاتك المكوكية الاخيرة فى القارة الافريقية مجهود رائع ومن بعد الدكتور عمرو موسى افتقدنا كتير لواجة لهذة الوزارة لغاية ماربنا أكرمنا بيك وعوض صبرنا خير / أن شاء الله موفق .

(( الأستاذ / محمد سعفان وزير القوى العاملة والصديق القديم ))

أولا مبروك على خروج مصر من قائمة الملاحظات والمعروفة عالميا بالقائمة السوداء والتى ظلت مصر بها لعدة سنوات انت عارف لية يامعالى الوزير علشان بدئت تنضف مقر 90 شارع الجلاء وهو اتحاد عمال مصر ألى أنا من وجهة نظرى مطلوب تنكيسه بالكامل ؟؟؟؟؟
# (( الدكتورة / نيفين رياض / وزيرة التأمينات الأجتماعية ))
بيدى لا بيد عمرو يادكتورة نيفين سرعة تعديل قانون التامينات الاجتماعية رقم 148 لازم يتم وبسرعة الموضوع كل يوم بيتأزم أكتر و الأن أكتر من حوالى 100ألف عامل بدون معاش وخاصة القطاع الخاص والموضوع أصبح أمن أجتماعى وقومى مش أكتر .

عضو مجلس ادارة الأتحاد العام لنقابات عمال مصر السابق
مقرر عام لجنة أمانات العمال بالأحزاب السياسية المصرية
أمين العمال بحزب الاحرار