اللى خانوا ( مصـــــر ) حيندموا على اللى عملوه ، وأى ندم ؟! .. ده ( مصــر ) أملنا وحبنا .. بكاء وحسرة وصراخ على الخيانة ، علشان ( مصـر ) ما تستهلش كده .. والله لا بالمال ولا بالسلطة نبيع ( مصــر ) لحد تانى .. ده الخائن قلبه اسود ميعرفش ان اللى يبيعه النهارده يكون خسارة كبيرة على أولاده بكره .. بكره تبكى يا خائن وميكونش لك مكان فى قلوبنا والخيانة بالطبع تدمر أسرتك وتهين أهلك ، واعلم يا خائن أننا نعشق تراب ( مصر ) ونقبل تراب أرضها .
والله ما أحببت غيرك .. ادعوا لك فى صلاتى بالنصر المبين وان يحفظك الله عز وجل من كل مكروه ، ربنا يخليكى ولا تذلى أبداً .. ماليه علينا الحياه بالحب والآمل والعطاء ، حبك لينا نور قلوبنا بالخير .. وترابك أغلى من كنوز الدنيا وما فيها . عارفين مين هيه ؟ هى أمى وأم كل المصريين .. هى زهرة جميلة فى بستان الوانه غطت الكون كله .. هى (مصــــر ) . مصــر التى فديناها فى حروب كثيرة . مصر أمل كل مصرى (مسلم أو مسيحى ) عايش على أرضها يتمتع ويشرب من نيلها .. ( مصــر ) اللى كبرت أولادها فى حضنها وأصبحوا علماء ومفكريين والآن يضرب بيهم المثل فى العالم كله . مين يقول ان مصر غابت عننا ، مين يقول ان مصر مش حلمنا .. ده (مصــر ) أملنا وحبنا .
إنها جنة الله فى أرضه ، وكنانته ، من أرادها بسوء قصمه الله ، فحب الوطن طاعة وعبادة ، والموت من أجله شهادة ، : قال رسول الله صلى الله عليه وسلم ( من مات دون أرضه فهو شهيد ) وطنى ( مصـر) الحبيب ، الذى أكلت من خيراته ، وشربت من نيله ، ومشيت على أرضه ، وعشت تحت سمائه ، وتعلمت فى مدارسه ، حب يسرى فى قلبى ودمى .. ويمجدها قلبى ويدعو لها فمى .. ولا خير فيمن لا يحب بلاده .
مصر العزيزة التى تتمتع بمكانة بارزة فى العالم القديم والحديث ، فكلنا نفخر ب ( مصـر ) مهد الحضارة ، ومنبع الثقافة وقلب العالم ، ملأت الدنيا هداية وحضارة ونور ، ذكرها الله فى القرآن وعظمها وذكرها الرسول صلى الله عليه وسلم فى السنة وقدسها ، فقال تعالى : ( ادخلوا مصـر إن شاء الله آمنين ) . حقا إن الأمان فى ( مصــر ) !! نعم إن السلام والإسلام فى ( مصـر ) !! فهى خير بلاد الله ، وشبابها أفضل جند الأرض كما أخبر الرسول صلى الله عليه وسلم : ( إذا فتح الله عليكم مصـر فاتخذوا منها جنداً كثيفاً ، فذلك الجند خير أجناد الأرض ، فهم فى رباط إلى يوم الدين وقال المؤرخ اليونانى هيرودت : ( إن مصـر هبة النيل ) ، وقال ابن خلدون عن ( مصـر ) : ( لم أر فى البادية أو الحاضرة مدينة زاهرة مثل القاهرة ) .
حققنا جزء كبير من أحلامنا بفضلها .. ( مصــر ) حضنت أولادها وخافت عليهم من كل طاغى مستبد ومعتدى آثيم ، وللأسف يطلع من أولادها شياطين عملاء – خونه يدمروا كل اللى بنته فى سنين طويله ، العيب مش عليهم ، العيب على اللى ربوهم .. ربوهم على الكراهية وحب السلطة والمال ، والحق والعدل مش كده لأن (مصــر ) متستهلش كده . والآديان جميعها غير راضية عن أعمالهم لأن رب العالمين أوصى ب(مصـــــر) خيراً وأمنها من كل شر . ( مصــر ) ده امكم والعاق لامه مصيره جهنم وبئس المصير ، اوعوا تفتكروا ان ده انتصار لحقدكم .. لا ده خباثة وقلت قيمة من عندكم . ياما ناس كثيرة ضحت فى سبيل ( مصــر) فى مجالات كثيرة .. بالدم والتعذيب والجوع والحرمان ، لا بكت ولا قالت ليه يا أمى .. علشان بتحبها وتعشق ترابها الغالى العزيز .. وأنا وأمثالى عندنا أمل كبير فى بكره ، وحاسس ان ربنا حيعلى امنا ( مصـــر ) وتصبح أم الدنيا كما كانت ، والعالم كله حيعرف ان قلب ( المصرى ) ودمه مش ملك كل مغتصب جبار ظالم .. ولكن قلب (المصــرى ) ملك ( مصـــر ) وحدها وحبه الصادق دائماً لمصــر . عاشت مصر حره .. عاشت (مصــر ) بعيدة عن الخيانة . بالأمل نحيا .. وبالعمل الجاد نعيش ونعلوا .. وبالاتحاد نصبح اقوى دولة فى العالم رغم أنف كل معتد ظالم على أرض الحبيبة ( مصــر ) عاشت مصرنا وعاش شعبها المخلص الوفى .
Fawzyfahmymohamed@yahoo.com
