هو بكرة إيه؟
أربع ولا جمعة يعني
هي هتفرق إيه؟!
طب هو بكرة كام
لسه مش معاد القبض
يعني أهو يوم والسلام
كل يوم نفس الروتين
وإحنا عاملين مبسوطين
كل يوم نفس المشاكل
هي هي مفيش جديد
حد بيكبر دماغه
ف دنيا بايخة
راسها أنشف م الحديد
ليل طويل
والجو ساقعة
نوم مقطع
حلم متلخبط كئيب
أحداثه أقرب للكابوس
حتي حلمي برضو
وسط الحلم
مديت إيدي أطوله
رحت واقعة
وكان علاء الدين
بيفرك في الفانوس
جني قاله اطلب يا عم
وقبل ماشيطانك يوزك
هي بايظة مفيش فلوس
تعبنا وشيبنا من الأيام
واقعين علي بوزنا بنتكفى
هعمل سحلب ولا كاكاو
وأتكلفت علشان أتدفى
وبعد شوية هصلي قيام
وأدعي يارب تطب الكفة.
