انهاردة جروب شباب المعادي Maadians
كان عامل زيارة لدار مسنين علشان يدخل الفرحة عليهم بس للاسف حصل اللي مكنش متوقع ابدا من الدار
الدار اسمه دار ام كلثوم (عقيلة السماع ) ف حلوان
عرفنا من ناس انه محتاج تبرعات وحاجات كتير جدا
قررنا نظبط يوم ونروح زياره ومعانا وجبات ونفطر معاهم
تم الاتفاق مع مديره الدار وتم ابلاغنا بالعدد ف الدور الارضي ٤٥ واللي فوق ٨٥ وطبقا لكلامها انها عملت تصريح لينا بعدد من ٢٠ ل ٢٥ فرد
اللي اتوجد ف الدار
اسوء معامله للنزلاء
المسئولين عن الدار بيضربوو النزلاء
عدد من الحالات عندهم قرحة الفراش
دم ع السراير
ريحة وحشه جداااااااااا
سرقو وجبات ومن كلامهم عشان يقدموها بكره
وكان فيه عصير بيتوزع علي النزلاء مكنش فيه اي اهتمام ولاا معرفة اي حد ممكن يكون عنده سكر
فيه ناس منهم مرضى نفسيين والمسؤولين عنهم غير مؤهلين للتعامل معاهم ، واحدة كانت بتقول عايزة ابويا والست المشرفة قالتلها تعالى اطلعك برا شوية لابوكى وادخلك تانى وبتغمزلنا انها يعنى بتضحك عليها وبتقولنا عشان هى تعبانة نفسيا بس وطبعا بالمنظر دا اكيد مابيعرضوهومش على اخصائيين او دكاترة نفسيين
طبعا مكنش ينفع نصور الحالات نفسها بس تم تصوير المكان نفسه
