جريدة الاخبارية سياسية::شاملة::مستقلة
مقالات مشابهة
كل البيوت كانت كده والمستوى ثابت
كنا اجتماعيا سوا والفرق فول نابت
كنا بنشبه بعضنا وكان النسب رابط
تضغط عليه يفتح عشم ولا تلقى شئ هابط
كان فيه بناتنا ميت صلة
كانت بناتنا من…… إلي ولا شمسنا غابت
الحيطة كانت طوبها نى
والسقف كان عرقين خشب من نخلة هزت جزعها ستى بقوة صبرها
فنزل لغاية حجرها رطبا جنى
الكل راضى بقسمته وعارف حدوده وحتته
والله أكبر كت تلم الناس وحى…علي الصلاة
كانت بتروى النفس ضى
كل البيوت كانت كده…
شباك طويل وأمل لغاية المستحيل..
ووسع بطول الحب عرض القلب
يعجز عنه ليل
والصبر فى قلوب البشر صبرُُ جميل
كل البيوت كانت كده تشبه لأدم
والصور أحسن دليل
ارجع كده للذكريات ؟
ارجع لحد ما تلقي نفسك صورة جوه الألبومات
استوديو قلبك يعرفك واستوديو روحك يوصفك.ويأكد المعنى الصور فى (العائلات )
كل الصور كانت أنا
كنا بنشبه بعضنا نفس الملامح كلنا
ولا حد فينا كان غنى ولاحد فينا كان فقير
مين اللي لم يشرب عصير من عند عمك ( مصطفي ) ؟
مين اللى لم يلبس هدوم ( العايدى ) مشعرش بدفا ؟
مين اللي موقفش انتباه للعمدة
قال له خلاص صفا
مين اللى لم يشرب مقالب ود بالهنا والشفا
مين اللي لم يركب عجل ( إدريسي )
أو ( عمك حسين ) ؟
مين اللي لم بهتف باسم بلدنا و( الكابتن ياسين) ؟؟؟
مين اللي مات والخلق لم تحزن عليه ؟
والحاج ( عبقادر حجازى)غاب ولم يقرأ عليه ؟
مين اللي شاف مولد النبي يلف البلد
والدنيا بتصلي عليه
مين اللي لم يسمع ( حمادة ) يغنى لم يحقد عليه
هاقولك إيه انا والا إيه
فيه حد فينا مخافش من مكنة طحين ؟
مين فينا ميعرفش مين ؟
احنا ولاد الأمنيات…. الوفات جميعا كلنا ولاد الدايات
كل البيوت كانت كده
كل القلوب كانت رضا
كل الغيطان كانت بتطرح أغنيات
كنا وطن عنده اكتفا م العمر بنصدر سنين
كنا وطن يملا العينين
ويرد روح الأرض تصحى من الممات
كانت جنوده أوليا وكانت فروضه أمهات
كانت حدوده مؤمنة
وكانت حيطانه محصنات
كانت بلدنا ام القرى
