جريدة الاخبارية سياسية::شاملة::مستقلة
مقالات مشابهة
مسمحانى…؟؟!
اه مسمحاك بس مبقتش صافيالك خالص….
ليه ….؟
غصب عنى بقى ….
ايه التناقض ده ازاى مسمحانى بس مش صفيالى .. ؟؟
لاء مفيش تناقض ولا حاجة
انا بس اتعاملت معاك بمبدا ….
” أما الذنب فقد عفونا و أما الود فلن يعود “
يعني انا مش مخاصماك قدام ربنا و ادام نفسي ….
بس اللي انت عملته سايب أثر كبير فيا و في قلبي
ف مينفعش يبقى ليك مساحه تانى ف حياتى زي ما كنت
..دا انتى قلبك اسود قوي و بتشيلى بقى !!
لا بالعكس خالص والله انا قلبي صفحة بيضة و بايديك
و اللي انت عملته كان زى القلم الى بيرسم
و انت رسمت حدودك في حياتى …..
بجد قلبي مش شايل منك خلاص .. …. هو بس ماشي ورا الحدود اللي انت رسمتها فيه ….،..
و كان أقصى ما اتمناه ان الصفحة تفضل بيضة زي ما هي
ما يتحطش فيها قلم وترسم بيه حدودك
ونهاية وجودك
