جريدة الاخبارية سياسية::شاملة::مستقلة
مقالات مشابهة
كتبت ماجدة عبد العظيم
1- شاي ميزة : و ده اللبن بتاعه أكتر من المياه يعني الكوباية بتبقى تلات تربع لبن و الباقي مياه و ده الشائع شربه
2- شاي بربري : و ده المياه بتكون متساوية مع اللبن يعني الكوباية بتكون نص لبن و نص مياه و بيبقى الشاي تقيل شوية
3- شاي بحليب منه فيه : و ده لبن صافي عليه شاي ناشف بيغلوا مع بعض يعني بيور شاي بحليب فعلا
4- شاي كرك : و ده مشروب الخليج الأول و ده شاي بلبن عليه هيل و زعفران و بيتعمل بلبن مكثف و سكر كتير جدا
و طبعا ترتيب وضع الاشياء في الكوباية بيعمل فرق في الطعم يعني
- لو حطيت الشاي الناشف و السكر في الكوباية و بعده المياه و بعده اللبن ده طعم
- لو حطيت اللبن الأول و بعد كده حطيت الشاي و بعد كده المياه و بعد كده السكر طعم تاني خالص
- الشاي بلبن لما بيتعمل بشاي العروسة غير بشاي ليبتون غير بشاي ليبتون خرز غير بشاي ليبتون الباكيت غير بأي نوع شاي تاني
- لو حطيت الشاي بلبن اللى منه فيه على العين الكبيرة في البوتاجاز علشان يغلي بسرعة هيبقى طعمه مش حلو علشان ملحقش يستوي
لو حطيته على عين البوتجاز الوسطانية و شيلته قبل ما يفور بثواني بيبقى وهم
