كتب عادل ابراهيم
عمرك سمعت عن الاسم ده في حياتك
ده يا سيدي مكان من اغرب الاماكن اللي موجودة في مصر و يمكن اغلبنا عمره ما سمع عنه ، كلنا عارفين بس كفر البطيخ عشان عصام الحضري لكن وادي البطيخ ده عمر اغلبنا ما سمع عنه
وادى البطيخ ده مكان في الفيوم و تقريبا في محمية وادي الريان و المكان فعلا غريب جدا و غرابته اساسها في وجود احجار غريبة منتشرة في المكان باحجام مختلفة كلها اشبه بالبطيخ و عشان كده سموه وادي البطيخ
الاحجار دي بعض الباحثون و علماء الجيولوجيا قالو انها موجودة من ملايين السنين و لها تكوين خاص و انها خرجت من الارض و تكونت بالشكل ده نتيجة لنشاط البراكين في المنطقة دي و بقت بالشكل المذهل ده
الغريب بقي ان المكان ده مش علي خريطة السياحه عندنا و مش بيتعمله اي ترويج سياحي و الاغرب من كده ان اغلب اهلنا في الفيوم نفسها ميعرفوش عنه حاجة رغم انه المفروض يكون مزار سياحي
