الدهراوى : لدينا مليون لاعب كاراتيه فى مصر وننافس على كل البطولات العالمية
ابهرنا العالم كله بالتنظيم العالى فى بطولة الكاراتيه فى مصر
حوار عادل البكل
جريدة الاخبارية تحاور الاستاذ الكابتن محمد الدهراوى رئيس الاتحاد المصرى للكاراتيه فى حوار حصرى واليكم الحوار التالى:
*فى البداية الكابتن محمد الدهراوى فى كلمات لمن لا يعرفه منذ البداية الى ان وصل الى رئيس اتحاد الكاراتيه المصرى.
**محمد الدهراوى رئيس الاتحاد المصرى للكاراتيه وعضو المكتب التنفيذى للاتحاد الدولى ونائب رئيس الاتحاد العربى البداية طبعا كانت فى الكاراتيه فى السبعينات كلاعب ثم مدرب ثم حكم محلى ثم حكم دولى الى ان دخلت مجلس ادارة عضو مجلس ادارة من 2000 الى 2004 ثم نائب رئيس مجلس ادارة من 2004 الى 2008 ثم خرجت خارج الاتحاد بحكم اللائحة 8 سنوات ثم توليت الاتحاد كرئيس من اول 2017 دورتين متتاليتين حتى الان وان شاء الله هناك انتخابات جديدة للدورة الثالثة فى شهر اكتوبر المقبل.
*ما الجديد الذى اعده الكابتن محمد الدهراوى للدورة الثالثة ان شاء الله؟
**الحمد لله بعد الطفرة التى حدثت فى الكاراتيه فى الفترة الماضية فى جمهورية مصر العربية بالكامل ووصول عدد اللاعبين بالكامل الى مليون لاعب وايضا بالنسبة الى النشاط الدولى وتربع مصر فى صدارة الدول فى بطولات العالم وبطولات القارة الافريقية وبطولة البحر المتوسط سواء ناشئين او شباب او 21 سنة او كبار او ذوى الهمم مصر لها 5 سنوات لا تخرج عن اول او ثانى او ثالث وهو انجاز كبير يحصل للدولة المصرية بالكامل
وهذا بفضل دعم الدولة واهتمامها بالالعاب الفردية فى الخمس سنوات الاخيرة وهذا ساعدنا فى ان نعمل بطولات دولية فى مصر فى اول بطولة دولية نظمناها وهى اول بطولة عربية وافريقية نظمنا وقت كورونا ما خلصت مباشرة كنا اول اتحاد على مستوى الاتحاد الدولى للكاراتيه ينظم بطولة بريميرليج فى مصر وكانت بعد الاولمبياد مباشرة فى طوكيو فطبعا ابهرنا العالم كله بالتنظيم العالى الموجود وهى بناء على تعليمات الدولة ان نعمل اعلى تنظيم يليق باسم مصر ما ترتب عليه اننا اصبحنا نأخذ كل سنة بطولة سيرياس A او بطولة البريميرليج لها 3 سنوات فى مصر وان شاء الله سوف ننظمها فى 2025 ايضا ويمكن يكون من السبب فى ان نطالب ونستمر فى ان يؤدى باقى الرسالة اللى عليه بفضل المجهودات التى تم كلها من مدربين والدولة كلها بالكامل ووزارة الشباب والرياضة والرئيس عبد الفتاح السيسى اننا استطعنا ان نقنع الاتحاد الدولى ان نعمل 3 بطولات دولية على ارض مصر فى 2025 وهى الدورى العالمى وهو اعلى دورى على مستوى الاتحاد الدولى بيتم فيه تصنيف اعلى 32 لاعب فى كل ميزان بجانب بطولة البحر المتوسط وايضا على ارض مصر فى 2025 بجانب بطولة العالم التى لم تأت مصر من عام 38 وهذا انجاز كبير يحسب للدولة المصرية.
*هل مصر سوف تدخل ان شاء الله بطولة الاولمبياد القادمة ؟
**طبعا الاولمبياد احنا اشتركنا فى اولمبياد شباب 2019 واخذنا ميدالية ذهبية واشتركنا فى اولمبياد الكبار فى طوكيو اخذنا ميدالية ذهبية وبرونزية وده اكبر انجاز جاء فى تاريخ الاتحاد والدولة المصرية طبعا للاسف الشديد كان المفروض فى اولمبياد الكبار فى باريس اللجنة الاولمبية او الاتحاد هنا يضع او يضم لعبة الكاراتيه وللاسف هم اضافوا اربع لعبات هم متفوقين فيها على الكاراتيه حتى يضمنوا ميداليات فهى ناحية سياسية بحتة فبالتالى مصر ملهاش في اولمبياد باريس وفى محاولات للاولمبياد الموجود فى لوس انجلوس ولكن ايضا بنسبة ضئيلة ايضا ولكن موجودة فى اولمبياد الشباب 2026 .
*بالنسبة لمجهودات مصر الداخلية والخارجية؟
**اقول لولا الدعم الكامل من اول مجهودات فخامة الرئيس عبد الفتاح السيسى بامانة ووزارة الشباب والرياضة هو فعلا وزير حاسس بالالعاب الفردية كويس قوى وابن اللعبة وهو حريص فى اى سفرية للاعبين للاحتكاك الخارجى بره مصر فى بطولة افريقيا او بحر متوسط او عالم وخلافه انه بيتصل برئيس البعثة ويهنئ اللاعبين فى الفوز وقت تتويج بالميداليات وهى بتعطى حماس كويس للاعبين وتجعلهم حريصين على الحصول على الميداليات لكى يسمعوا الوزير وهو بيشكرهم وبيدعمهم بخلاف انه يقابلهم بنفسه فى المطار وقت وصول البعثة فهذا اعطى حافز ودعم معنوى كبير جدا لاولادنا الابطال بان يحافظوا على الريادة على طول على مستوى العالم وهذا شق والشق الاخر الحمد لله رب العالمين بفضل المجهودات الموجودة بالكامل النهاردة اصبح الاتحاد المصرى للكاراتيه ممثل عن مصر وعضو مكتب تنفيذى فى الاتحاد الدولى وعن افريقيا فى نائب رئيس الاتحاد الافريقى وعضو مكتب تنفيذى للاتحاد الافريقى ايضا فى عن شمال افريقيا نائب رئيس اتحاد عن شمال افريقيا فى عن البحر المتوسط عندنا امين صندوق وعندنا عضو بحر متوسط من مصر فى عندنا لجان فى اللجنة الفنية الدولية وهى اول مرة تحدث فى التاريخ ان يكون رئيسها مصرى.. فى عندنا ايضا اللجنة الفنية الافريقية والعربية ايضا من مصر فمصر دخلت فى كل المناصب الدولية .الموجودة هذا ايضا يدل على قوة ومكانة مصر بالنسبة للاتحادات سواء عربية او افريقية او بحر متوسط او عالم وهذا انجاز كبير يحسب لمصر.
*متى نرى لعبة الكاراتيه مثل لعبة كرة القدم يعنى تحوذ على اهتمام الشعب المصرى نفسى ارى اهتمام الدولة زى بالظبط اهتمام كرة القدم؟
**طبعا الكاراتيه هو افضل لعبة رياضية على مستوى العالم وليس مصر فى مصر اكبر لعبة رياضية بتمارس الرياضة فى مصر هى لعبة الكاراتيه انا عندى مليون لاعب موجود على سيستم وقوائم الاتحاد المصرى مسجلين نشاط الاتحاد المصرى فى الكاراتيه.. اكبر من نشاط 10 اتحادات على بعض كلها جملة لانى عندى مقسم مصر قطاعات وبعمل خميس وجمعة وسبت من كل اسبوع فى 8 محافظات فى وقت واحد فعدد ايام البطولات فى فى الاسبوع الواحد فى المحافظات 24 يوم معنى ذلك ان لو جمعنا الاتحادات كلها ستجد ان نشاط اتحاد الكاراتيه يفوق هذه الاتحادات.. اتحاد الكاراتيه بدأ دلوتى شويه فى الاعلام ولكن هو عايز دعم اعلامى كبير علشان ياخذ نفس حوذة ومكانة كرة القدم وكرة اليد والالعاب الجماعية الموجودة عندنا. ولكن كنتائج حدث ولا حرج فنتائج اتحاد الكاراتيه اعلى نتائج موجودة فى الالعاب بالكامل فبالتالى يدل على انها متفوقة ولكن ينقصها فقط الناحية الاعلامية سواء بقى تليفزيون او قنوات تليفزيونية او ورقية
*طبعا لعبة الكاراتيه تحتاج الى دعاية اعلامية ودرامية وفنية وتدرج فى الاعمال الدرامية فكان هناك الفنان احمد زكى عامل فيلم مستر كاراتيه فى السينما المصرية .
**كان زمان هناك فيلم احمد رمزى فى السبيعنات وفريد شوقى للكاراتيه.
احنا فى الدورة القادمة سوف نبدأ بمنتخبات الناشئين والشباب فى منتخبات للاشبال موجودة فى القطاعات كلها على مستوى مصر فى المحافظات بالكامل هم ابطال القطاع نفسه فى كل محافظة عاملين منتخب للاشبال يروح واحد من خارج المحافظة بخلاف مدرب من المحافظة نفسها علشان يرفع المستوى الموجود للاعبين فمنتخبات الاشبال هى التى تعد لنا نتائج جيدة من اللاعبين وتخرج لنا مواهب جديدة ونحن بنفذه منذ 3 سنوات وان شاء الله هنستمر فيه وافرز نتائج نعم افرز نتائج عندى النهاردة فى بطولة العالم للشباب والناشئين فى 2022 اول عالم من نادى ههيا وعندى اول عالم من المنوفية عندى اول عالم من الاسماعيلية عندى بطلة افريقيا من الغردقة مكنش حد بيسمع عن بطل من خارج القاهرة اصبحت النهاردة المحافظات بالكامل هى اللى بتشتغل وتنتج وبتجيب نتيجة كويسة جدا وتحقق ذاتها فى بطولات العالم وعندى سفريات كل شهر على الاقل سفريتين خارج مصر احتكاك على سبيل المثال احنا النهاردة 27 مايو يوم 29 مايو منتخب الكبار مسافر للدورى العالمى فى المغرب هيرجع 3 \6 حوالى من 20 الى 25 فرد عندى بعدها مباشرة بعد اسبوعين فى منتصف شهر ستة فى بطولة البريكس فى روسيا هيشترك فيها حوالى 34 فرد مصرى يوم 16 \ 6 وروسيا كبار 21 سنة وعندى كرواتيا بطولة ناشئين وشباب وتحت 21 سنة فى الفترة من 24 الى 26 \6 سن عشرين سنة مسافر فيها حوالى 50 فرد كل ده على نفقة الاتحاد المصرى للكاراتيه .
يضيف الدهراوى مفيش ولد من اولادنا بيحصل على مركز اول او ثانى الا وبيركب الطائرة لكى تأتى اجيال جديدة تكمل مسيرة الاجيال الكبيرة.. عندى لعيبة محتكرة البنك العالمى اول عالم فى الكبار فى 3 موازين فى الرجال اول عالم معنى ذلك ان كل دول العالم بتنافس على مركزين اثنين بتتخانق عليهم ولكن مصر محتكرة 3 موازين منذ سنة ونصف عندى لعيبة مسافرة مع بطولة المغرب سيتم تكرمها بجرند اونر اللى هم اللاعيبه اللى فازوا فى اربع بطولات بريميرليج وحافظوا على انفسهم وجابوا نتائج كويسة وتربعوا دول هيتم تتويجهم فى ميدالية الجراند اونر من الاتحاد الدولى وبيأخذوا مبالغ كويسة .
الحمد لله الكاراتيه ماشى بخطى ثابتة بفضل دعم الدولة ومدربي مصر العظام كلهم والحكام ايضا واولياء الامور الداعم الاساسى للاعب مفيش نادى او مركز شباب بتروحه الا وتجد ولى الامر متابع مع ابنه بيقعد يستنى ابنه لحد ما يخلص التمرين ويروح بيه يكفينا فخر ان منتخبات مصر بالكامل عندى اللى بيجيبوا بطولات العالم هم معظم الشباب المحترم اللى بيدرسوا فى كليات القمة اى متفوق علميا ومتفوق رياضيا وهذا يحسب للاتحاد المصرى للكاراتيه.
*طب بالنسبة للمدارس هل ممكن ان ترى المدارس تهتم ببطولات الكاراتيه.
**نعم هناك كان فى بروتوكول تم مع المدارس اصلا فى التربية والتعليم وموجود لها حافز رياضى معمول بطولة مدارس سواء ابتدائى او اعدادى او ثانوى وموجود فى جميع مدارس مصر فى بطولة الجمهورية للمدارس.. وايضا فى المؤسسات العسكرية بالكامل فى الجامعات العسكرية والشرطة ايضا موجود الكاراتيه وبكثرة الحمد لله عندى مليون لاعب مفيش مؤسسة فى مصر مفيهاش كاراتيه .
*ما هى رؤية اتحاد المصرى للكاراتيه 2030 ؟
**ان شاء الله هنستمر فى الريادة طول ما في مدربين عظام موجودين فى مصر وطول ما فى سياسة ناجحة فى الاتحاد هيستمر ان شاء الله فى ان يحصول على الريادة وبهرنا العالم كله يكفى ان رئيس الاتحاد الدولى بيقول النهاردة ان الاتحاد المصرى للكاراتيه اصبح غرفة من غرف الاتحاد الدولى يعنى ليس جزءا ولكن غرفة اساسية فى الاتحاد الدولى وطبعا وصلنا الى هذه المكانة بالعمل الجاد والسياسة الناجحة للاتحاد.
يشير الدهراوى الى ان الاتحاد بيحلم ان يكون للاتحاد المصرى للكاراتيه قطعة ارض كبيرة يبنى عليها مجمع رياضى للكاراتيه كفندق وصالات رياضية للتدريبات والمعسكرات للاعبى البطولات والمنتخبات ايضا ومقر للاتحاد يليق باسم اتحاد مصر للكاراتيه ان شاء الله خلال سنتين او ثلاثة وهذا هدفنا الاساسى ان ننال الدعم من الدولة ان شاء الله .
فى النهاية نتمنى الاستمرار فى النجاح والتميز باستمرار لاتحاد الكاراتيه المصرى تحت قيادة الكابتن الدهراوى.
