غش الأغذية فى الأسواق

الحكاية طلعت أكبر من لحم الحمير يا سيادنا
الناس اللى بتتكلم أنهم لقوا بودرة سيراميك فى الدقيق البلدى خدوا دى :
عصير المانجو اللي في محلات العصير 70% منه مالهوش علاقه بالمانجو اصلا ده قرع عسلى
اللانشون والبسطرمة اللى المفروض مكتوب عليها لحم بقري خالص مفهوش ريحة اللحمة اصلا دى امعاء حيوانات مدبوحه مفروم مع بهارات وتوابل وجيلاتين وعضم فراخ وبالف هنا
انواع الهامبورجر المنتشره فى السوق كوكتيل من البهارات وماده جيلاتينية بتبقى مبطنةلجلد الحيوانات بعد الذبح وبتتباع الطن منها ب 250 جنيه تقريبا
الطن منها بيستخدم (بعد الغلي فى وعاء كبير مقزز في مناطق لا آدمية باستخدام عصاية شبه المجداف للتقليب) وبيعمل حوالي 500 عبوة (1 كيلو برجربيباع بـ 10 جنيه ) وبالف هنا
الحلاوة الطحينية اللي فى المحلات عليها اكسيدتيتانيوم عشان تاخد اللون بتاعها وبعضها مفهوش ريحة
السمسم اصلاً عليها دقيق وفورمالين عشان تمسك نفسها اصل الدولار بقي غالى حتى لما بيرخص فى جميع الدول عندنا ثابت والسمسم غالى والزبون عاوز الارخص مش الانضف للاسف
و سمك المزارع السمكية بياكل دم ومخلفات عمليات الذبح عشان يكبر بسرعه ونقول الطعم مش زى زمان ليه
وفراخ المزارع من كتكوت عمره يوم لفرخه كاملة وزنها كيلو على الاقل الى كيلو و200 جرام بياخد 19 يوم حقن هرمونات في الاكل ومياه الشرب علما ان الفرخة الطبيعه عاوزه 4 شهور عشان تقرب من الحجم ده
محلات الحلويات اللي بتبيع الحلويات الشرقية بالسمن البلدى والله العظيم ولابلدى ولاحاجه دى معموله بسمنة مهدرج طبعا وعليها مكسبات طعم وتمثل خطوره شديده على شرايين القلب
الجبنة الرومى القديمة مش قديمة ولاحاجه هما يعني هيعتقوها عشان حضرتك تستمع ويركنها في المخزن
6 شهور؟ بيضيفو هيدروكلوريد اسيد تركيز 30 % عشرة لتر لكل طن جبنه وتتكتم فى قبو قديم معفن 24 ساعه وتطلع قديمة وطالع عينها كمان
ونرجع نقول الامراض كترت كده ليه لان اكلنا كله دمار وللاسف بناكل ونشبع وخلاص هو ده هدفنا الاول والاخير يالا على البركه