كتبت ماجدة عبد العظيم
1 : لازم تناموا علي سرير واحد وتناموا علي مخدة واحدة وتناموا علي مرتبة واحدة وتتغطوا بغطا واحد
ومتتفصلوش عن بعض في الحاجات دي كلها عشان متنفصلش طاقة الجمع بين الجسدين عند النوم .
2 : محدش ينام لوحده ولا تنااموا بعيد عن بعض في البيت لان بكدة بتتعمل طاقات سلبية
3: الشباك يا حلوة شباك اوضة النوم يكون دايماا مقفول وممكن تفتحيه ربع ساعة كل يوم تهوي الآوضة وتكون الاوضة ريحتها حلوة عشان طاقتكم الزوجية ميحصلش فيها تغيير وتخرج الطاقة دي ومن أهمها اسراركم الزوجية
4 : يتنضف تحت السرير كويس ومتحطيش حاجة تحت السرير ولا درج ولا صندوق مقفول ولا مفتوح ولا اي حاجة عشان ميحصلش خلل في المسار بتاع الطاقة الزوجية
5 : متنكسيش ولا تمسحي بليل عشان طاقتكم الزوجية متتغيرش عشان لو اتغيرت ده بيساعد علي المشاكل بينكم والرزق بيقل وبيجيب الطاقة السلبية
6 : باب اوضة النوم لازم يكون باب واحد بمعني يكون ضلفة واحدة ميكونش ضلفتين زي الدولاب كدة لان لو كان الباب قطعتين ضلفتين ده بيدي طاقة للراجل انو يتجوز مرتين يعني لو الشقة لسة بتتجهز الحقي نفسك قبل ما تتجوزوا ومتحطوش صور في الاوضة.
7 : لازم تعرفوا أن في عناصر في الجسـ.م مش بتقدر تتحكم في الفلوس وتطير الفلوس من طبيعة عنصر الجسـ.م زي ما بيقولوا مفيش بركة عشان كدة مش ضروري حد يتحكم ويمسك المصاريف والفلوس شوفوا مين الي يقدر يتحكم في المصاريف والفلوس اكتر والي يقدر يحتفظ بالفلوس اطول وقت وهو الي يمسك سواء الراجل أو الست .
8 : لازم تخلوا كل حاجة زوجي مش مفرد في الشقة مثلا اباجورتين عشان يكون في توازن في طاقة المكان يعني تخلفوا طفلين لو عندكم طفل واحد ولو عندكم تلات اطفال خلوهم أربعة
9 : اعملوا صيانة لاوضة النوم متخلوش فيها حاجة مكسورة لا مراية ولا تسريحة مكسورة ولا مولة مكسورة ولا ضلفة دولاب بايظة
والباب يفتح كويس وميعملش صوت تزييق ومتخلوش صوت يطلع من مفصلات الباب وترتبوا الاوضة وبالذات السرير بعد ما تقوموا من النوم وترتبوا الهدوم في الدولاب
10 : وانت أو وانتي وانتوا نايمين متبصوش علي نفسكم في المراية عشان المراية فيها طاقة سلبية لو عندكم مراية في الدولاب ولا في السرير ولا قدامكم كسروها بهزر بس غطوها المراية قبل ما تناموا
11 : اختاروا مواعيد كويسة تتكلموا فيها مع بعض وتعرفوا انهي مواعيد بتكونوا فيها منسجمين وحلوين عشان يكون في أفضل حالة وتتعاونوا ومتحصلش مشاكل في مواعيد مش كويسة
12 : لازم تعرفوا المكان الحلو في بيتكم الي بيكون القعدة فيه حلوة ومريحة للكلام مع بعضكم ومش ضروري تكون اوضة النوم هي لازم يحصل فيها الكلام واللقاءات ما ممكن تتكلموا في مكان تاني زي الحمام مثلا
13 : لازم تحافظوا علي وقت كل يوم تقعدوا تتكلموا مع بعض من غير لا تليفون ولا تلفزيون عشان تجمعوا طاقة الأزواج زي شرب الشاي
14 : متخلوش حوض الميه جنب البوتجاز وتفصلوا بينهم
دي بعض اسباب نفور الزوجين عن بعضهم البعض
لازم تنفذوا النصايح دي عشان يحصل ما بينكم طلاق قصدي يحصل حب وتقربوا من بعض
