قالوا للست….
خليكي بنت اصول بلاش عند وندية
وخليكي للراجل ضهر وسند و سياسية ،
وحنينه عليه وبلاش اسية ،
ووقت الغضب اوعي تناقشيه ،
واستني شوية عليه ،
لما يهدأ ساعتها كلمية ،
ده هو عمود البيت وشايل الهم وشايل يا غالية المسؤولية ،
و الضحكة العاليه
ياست الناس عيبة
بس للراجل وقار وهيبة
علي اد عقله خديه
اصل جواه طفل عايز اللي يدادية ،
وعايز كمان اللي يراعيه
وفي الكلام قولي طيب وهاوديه ،
وقولي له حاضر وقولي له أيوة ،
لو علي العشرة يابنتي معاه ناوية ،
طيب
ماهي كمان عايزة
الحنية
وكلمتين حلويين وطبطبة
وملاغية
يخففوا عنها الهم شوية
وخروجة بره البيت حتي لو تمشية
اصلها علي الدلع في بيت ابوها متربية
والحياة معاهم حلوة
ووسط العيلة متهنية
تعيش ليه مع راجل طول الوقت مقهوره مظلومه
عشان راحتة براحتها مضحية
الاهتمام بين الاتنين مطلوب
مش بس هو
ومش بس هي
