حاجه غريبة وعجيبة اراها الان على بعض مواقع التواصل الاجتماعى وهى ظاهرة استغلال اسم وصور العظيم القدير الرائع المهندس السيد مرعى للتقرب الى الناس فى الانتخابات ونيل رضاهم وتذكيرهم بافضل من شغل مكان النيابة عن دائرة منيا القمح على الاطلاق قلت ماشى ممكن اهو حاجة تشرف المهندس السيد مرعى ان المرشحين يتمسحوا فيه وفى تاريخة الابيض تاريخ الانجازات التى لن تتكرر مرة اخرى
لكن للاسف وصل الحال وعلى راى المثل سكتناله دخل بحمارة قال يطلع واحد فركوك لا عمرة شاف السيد مرعى ولا عمرة عرف حاجه عن الراجل ومكانته وعظمتة وتاريخة ويقول ويدعى ظهور سيد مرعى جديد قال فى دائرة منيا القمح مين ده ياحبيبى اللى يحل مكان السيد مرعى تعرفوا ايه انتم كا طفال ومراهقين سياسة علشان تشبه طفل سياسى بالسيد مرعى السيد مرعى وزير الزراعة فى عهد جمال عبد الناصر السيد مرعى امين عام اللجنة المركزية للاتحاد الاشتراكى اللى انت وغيرك من المراهقين السياسين ميعرفوش عنها حاجة السيد مرعى رئيس مجلس الشعب لاكثر من دورة السيد مرعى رئيس منظمة الاغذية العالمية الفاو التابعة للامم المتحدة السيد مرعى مساعد اول رئيس الجمهورية السيد مرعى الذى تسلم نوبل نيابة عن الرئيس السادات السيد مرعى اللى عمل وحقق انجازات واعمال لمركز منيا القمح بل الشرقية كلها لانت ولا شبيهك ولا اى نائب اخر على مر العصور والازمان الماضية والقادمة هيعمل ربعها السيد مرعى الذى كان يجوب قرى وعزب وكفور مركز منيا القمح ايام الانتخابات ويقابل الناس وجها لوجة مش يعمل مءتمرات والناس تروح له السيد مرعى شرف لمصر كلها مش منيا القمح بس
ارجوكم لا تخرجونا عن شعورنا احترموا تاريخ الناس وماضى الناس ولا تقارنوا الناس بالعظماء بدون وجه حق لا تشوهوا التاريخ وحطوا كل واحد فى حجمة الطبيعى عيب حرام ان تهيلوا التراب على تاريخ الكبير السيد مرعى وتشبهوا واحد مراهق سياسى بالسيد مرعى اللى مكنتوش اتولدتم ولا تواجدتم فى الحياة من اصلة ارفعوا ايديكم عن السيد مرعى ارفعوا ايديكم عن تاريخ عظيم وعطاء كبير وجهد سنين اين انتم بل اين الكل من تاريخ وعظمة وكفاح وخدمات وانجازات السيد مرعى طوال حياتة وتاريخة دى سياسة مش كورة ولا فن اللى انتم تعرفوه السيد مرعى اسطورة وتاريخ لن يتكرر ولن يعود مرة اخرى فعيب حينما يقارن السيد مرعى يقارن بالعظماء مثلة مش باطفال ومراهقين السياسة عيب
عيب خليكم فى تاريخكم الاسود وماضيكم الغير مشرف وابتعدوا عن الشرفاء العظماء من رجال مصر الكبار
مش كده ولا ايه
