سامى حربى يكتب .. كلمتين وبس

لا تتعجبوا ولا تنبهروا ولا تتفكروا فى تواجد جماعات تنتشر بيننا فى مجتمعنا الحالى منهم ما هم امعه ومنهم من هم دلاديل واكثرهم جماعات الطراطير تنتشر فى المجتمع بعد ان كنا فى الماضى رجال اهل كلمة واصحاب مواقف ونعتز بالكرامة ونتمسك بالاخلاق كانت الكلمة واحدة لم يكن متواجد فى مجتمعنا من يسحب بكلمة او يجرى ويبيع نفسة بخدمة لم يكن موجود بيننا ابناء عبد الله بن ابى سلول كبير المنافقين فى عهد رسول الله لم نكن نرى شهداء الزور والمزورين والتلاعب بالالفاظ واهل الاشاعات والاساءة الى سمعة البشر بقصد وعمد لم يكن بيننا فى الماضى من يبيع نفسه ويضحى بكرامتة باغلى الاثمان عمرنا ما راينا فى الماضى من يقبل ان يدوس اى حد كان على شخصيتة وكرامته وقيمة ومبادئة كنا فقراء وكنا نعيش فى بيوت من الطوب اللبن ولم نكن نعرف الابراج ولا المسلحات كنا نسير على الاقدام ولم نمتلك السيارات لكن كان عندنازمان نخوة وكرامة وعزة نفس وكان زينا زى اى حد نحترم الكبير ونوقرة بادب وكرامة ونرحم الصغير بحنو وابوه عمر زمان مافى حد باع او حاول ان يفرط فى كرامتة ومبادئة كان زمان فيه حاجة عندنا اسمها الخجل والكسوف والحياء باختصار كان عندنا دين وتمسك به والعمل به
النهاردة لا حول ولا قوة الا بالله فقدنا الاخلاق وضيعنا المبادئ وقضينا على القيم ومسحنا كل حاجة حلوه كنا بنعملها باستيكة فضاع كل شئ وتحول الكثيرين الا من رحم ربى اللى تحول لدلدول لفلان او علان واللى اصبح امعه وعامل نفسه من العمد والكبار وهو مش حاسس ولا دريان واللى فرحان بنفسة وهو عامل طرطور للباشا وللبية وخدام فى السرايات ليجاور البهوات واللى بيجرى ويبع نفسه وكرامتة من اجل خدمة او قبض اموال او حتى رضا الباشا او البيه وللاسف تيجى تكلم هؤلاء الاصناف يمطو رقبتهم ويقولوا يا اخى احنا عندنا كرامة طيب بامارة ايه رحتكم فاحت وموقفكم سئ وصورتكم اصبحت ابيض واسود فقدت الوانها وبريقها واصبحتم ايها الدلاديل والامعات والطراطير مثال سئ لكل الاجيال ولكل الرجال بل لكل السيدات المصريات الفضلات
عودوا الى الماضى لا عيب ولا حرام عودوا الى ما كان عليه اباؤكم الفقراء الغلابة زمان اهل العزة والكرامة خلى عندكم نخوة ورجولةعودوا الى الدين واستعيدوا الاخلاق ورجعوا الكرامة واعلموا ان الله عز وجل قد كرم الانسان كل انسان ولا فرق بين اعربى ولا اعجمى الا بالتقوى اتقوا الله فى انفسكم واخلعوا عباءت الامعه والطراطير والدلاديل وارتدوا من جديد ثياب الرجولةوالقوة والكرامة وخلوا عندكم ذرة من دم او خجل دهاذا كانت لسه موجوده عندكم
مش كده ولا ايه