همسة عتاب ولا لوم على الاغبياء الهمسة الاولى فى واقعة تنمر وكيل الوزارة للتعليم فى احد المحافظات على طالبة الفول ورغيف العيش اكل الغلابة والمساكين ده كان زمان النهاردة يافخامة معالى وكيل الوزارة الفول ورغيف العيش بجنيهات امال لو وجدت معها حتة جبنة مش قديمة من زلعلتهم فى البيت ولا ليمونه مخلله كنت عملت فى البنت اية احرجتها كسرت انفها وجرحت عزة نفسها كان المفروض حضرتك قبل ما تحكم وتتحكم وتتهكم تعمل تحليل غذائى لتثبت ان ما هو مع البنت فول مدمس وعيش مدعم من فرن بلدى وليس توست وهامبورجر ورومى ولانشون مدخن اللى حضرتك اتربيت عليهم وبتاكل اولادك منهم زى تحليل المخدرات كده ماهى البنت ارتكبت جريمة حيازة فول مدمس ورغيف عيش وهم من الممنوعات الان لان الغلابة والمساكين لم يعد لهم مكان فى البلد ولازم اولادنا ياخذوا معهم الى المدارس بيتزا ايطالى او سندوتشات كريب فخمة والحمد لله وربنا سترها مع البنت ان مكنش معها كنز شويبس او بيبس كانت بقت جرسه وفضيحة معالى وكيل الوزارة رد الفعل من اللحظة الاولى للصدمة وما فعلتة حضرتك بعد انتشار الفيديو مهزلة غير مقبولة واعتذار مرفوض من الشعب المصرى شعب الفول والطعمية ولهم الفخر واللى عملته تمثيل فى تمثيل
همسة العتاب الثانية
ذهبت اسعى لصرف المعاش بتاعى من البريد وليتنى ما ذهبت لم اجنى الا الدموع والبكاء على الحال والاحوال عواجيز وعجوزات المعاشات بالمئات يجلسون على بندورات الارصفة وعلى الارض وبعضهم لا يجد الا الوقوف اللى ساند على الحيطة واللى مرتكز على عكاز واللى سانده اثنين من اهله كلهم عاجزين عن الحركة والتحمل كلهم لا حياة ولا كرامة لهم ناهيك عن الشخط والتنطيط عليهم فهم من اجرموا زمان وافنوا حياتهم لخدمة البلد والقيام باعمالهم على اكمل وجه ايام لا كان فيها رشاوى ولا فساد هم جايين يشحتوا ويتوسلوا من بهوات البريد او البنوك اللى مرتباتهم بالالاف لما الاهانة ولما التجريح ولما الازلال المتعمد لاصحاب المعاشات الا يوجد رجل رشيد يتخذ قرار توصيل المعاشات لاصحابها فى المنازل بالاجر وخاصة لمن لهم ظروف خاصة زى ما اتعلمتم التك اواى فى الملابس والماكولات والحلويات الايستحق اصحاب المعاشات حياة كريمة فى بلدهم الا يستحقوا نظرة عطف وحنية من المسئولين اللى عاملين ودن من طين وودن من عجين وياسوادى على الطوابير امام ماكينات الصرف سواد مطين بطين وكبار السن هم المظاليم ربنا معاهم اكبر من اى حد
همسة عتاب
