اثار بوست لاحد الاصدقاء على صفحته عن اسعار اللحوم ومكاسب الجزار زمان والنهاردة وتكلم واعترض من اعترض ووافق من وافق ولكن هتكلم بالصفة العلمية كخبير فى انتاج اللحوم والتسمين بحكم تخصصى الزراعى وبحكم عملى فى مجال انتاج اللحوم وذبحها على مدار سنوات عديدة فى مشروعات الخطارة وصلت خلالها الى مدير عام انتاج اللحوم
اولا هناك اختلاف بين اسعار العجول فى الابقار والجاموس ليه لان العجول البقرى تعطى تصافى وتشافى فى كمية اللحوم تفوق العجول الجاموس بنسبة قد تصل الى 10 بالمائة كطبيعة فسيوبولجية بمعنى ان عجل بقرى وزنة 400 كيلو عند الذبح يعطى حوالى 220 كيلو لحم ونفس عجل الجاموس يعطى 180 كيلو تقريبا وثانيا ان وزن العظام فى الجاموس اثقل من وزن العظام فى البقرى وتتروح من 20 الى 25 كيلو ثالثا ان نسبة المياة او الرطوبة فى لحوم الجاموس اكبر من البقرى لذلك نجد لحوم الجاموس تخس فى اوزانها عند التعليق والبيع جسب المده بخلاف ثبات وزن العجول البقرى
ثانيا تحديد سعر بيع اللحوم زمان كنا بنضرب سعر الشراء قائم اى صاحى فى اثنين لنحدد سعر بيع اللحوم بما فيها تحقيق عائد للجزار فمثلا اليومين دول البقرى قائم ب200 جنية فيجب بيع اللحوم البقرى بمبلغ 400 جنية والجاموس الكيلو قائم ب180 فيجب بيع لحوم الجاموس بمبلغ 360 جنية للكيلو والغش هنا ان الجزار بيبيع ب400 جنية بقرى جاموس مش مهم
اما مكسب الجزار زمان مكنش بالمبلغ المذكر ولكن الان الارباح كبيرة لعدم السيطرة على الاسعار وعدم وجود رقابة وبيع الجموس والبقرى بنفس السعر وعدم فهم المواطن للاختام السلخانية فلكل نوع ختم ولكل لحم ختم الكبير والصغير ومحدش بياخد باله
قد يسال واحد ويقول طيب ليه فيه جزارين بيبيعوا اللحوم باقل من كده يعنى الجزارين مختلفين فى الاسعار هقوله الجزار اللى بيبيع بسعر اقل اما يكون ذابح عجلات اى اناث صغيرة او كبيرة جاموس او ابقار بتكون ارخص فى سعر الشراء بنسبة كبيرة طيب نعرفها ازاى من ختم السلخانة ونادرا ما حد منا عارف اختام السلخانات ولا بياخد باله ولا فيه امانة فى الختم
خلوا بالكم واشتروا من جزار مضمون والمكاسب والخسارة متشغلوش بالكم بها فالارزاق على الله لكن محدش يقولى الجزار مبيكسبش لا ياحبيبى بيكسب ويكسب ونص وده حقه وخلوا بالكم الامراض المشتركة مابين الحيوانات والانسان تقريبا 14 مرض فلابد من ان تكون اللحوم مضمونه مذبوحة فى السلخانة وخلوا بالكم مش هقول سر لكن بعض الجزارين عندهم اختام بس خلاص فيجب تدعيم المرور البيطرى على محلات الجزارة للمراقبة والتاكد من سلامة اللحوم مش هيبقى ارتفاع اسعار وموت كمان
وجهة نظر
