الأربعاء , 18 نوفمبر 2026

هدى صابر اسماعيل تكتب.. الغلط غلط

زي ما فيه رجالة بتوقع البنات في الحرام، فيه بنات بتوقع الرجالة في الحرام.

مش كل مرة الراجل هو الشيطان والبنت هي الملاك الغلبانة..
ومش كل مرة البنت هي الشيطانة والراجل هو الغلبان..

فيه راجل، بيقعد يلف ويدور على البنت، يكلمها بحنية، ويوعدها بالجواز، ويقولها “انتي غير كل البنات”، وهو كل هدفه يوصل للحرام وبعدين يسيبها ويروح لغيرها.
ده مش راجل، ده صياد، بيصطاد البنات بكلام حلو، وبعد ما ياخد اللي عايزه، يرميها ويقول “هي اللي سلمت نفسها”.

وفيه بنت، بتبقى عارفة إن الراجل ده متجوز وعنده عيال، وبرضو تقرب منه، وتبعتله صور، وتكلمه بالليل، وتقوله “مراتك مش مهتمة بيك، أنا حاسة بيك”، وتفضل تلف عليه لحد ما توقعه في الحرام، وتخرب بيته، وتخرب بيت عياله.
دي مش بنت غلبانة، دي برضو صيادة، بس بتصطاد بدموعها ودلعها.

الحرام حرام، على الراجل وعلى الست.
مفيش حد بيوقع حد لوحده، لازم الاتنين يفتحوا الباب.
الراجل اللي بيحترم نفسه، بيقفل الباب في وش أي واحدة تحاول توقعه.
والبنت اللي بتحترم نفسها، بتقفل الباب في وش أي راجل يحاول يوقعها.

الشيطان مش بيفرق بين راجل وست، الشيطان بيلعب على الضعيف فيهم.
واللي بيخاف من ربنا بجد، لا هيوقع حد، ولا هيتوقع.

اسمعوها مني:
يا بنت، الراجل اللي بجد مش هيطلب منك الحرام، الراجل اللي بجد هيجي يخبط على باب بيتكم.
ويا راجل، الست اللي بجد مش هتطلب منك تخون مراتك وعيالك، الست اللي بجد هتقولك “روح لبيتك، أنا مش خرابة بيوت

عيب نحط الغلط كله على جنب واحد ونسيب الجنب التاني.
الغلط غلط، واللي يعمله يتحاسب، راجل كان أو ست.

شاهد أيضاً

وزيرة التضامن تشارك في مؤتمر «تمكين المرأة من أجل أسرة أكثر استقرارًا»

الدكتورة مايا مرسي: تمكين المرأة واستقرار الأسرة مسؤوليتان متكاملتان حين نمكن المرأة فإننا لا نمنحها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *