لو حبته
مكانتش قالت ماجزاء
مكانتش قالت هيت لك
مكانتش قالت بده سوء
كانت تشوف انه ملك
كانت تشوفه ف هيئته
لو حبته
ولو حبته
كت لحقته قبل الرحيل
كانت قالت له الدنيا ليل….
خليك لحد الصبح وحياة الهوي
كانت تقضي الليل قيام
تدعي علي الفجر انه ينسي شغلته ويقفل عليهم دنيته
لو حبته
ولو حبته
كانت توريه الدموع
وتحسسه انه اليسوع
وتكون عشانه امه وحبيبته ودنيته
لوحبته
ولو حبته
كت خبته عن كل عين
كانت تتابع غنوته
آخر بلاد المسلمين
كانت تهاجر مكته وتروح وراه ان شالله فين
تغزو وتفتح ضحكته
لو حبته
ولو حبته
كانت عشانه اتعلمت لغة السكات
كانت تجيب له الشعر من عين البنات
كانت تجهز له القصيدة
حرف حرف وكلمة كلمة ومعني معني
وتفرش البيت اغنيات
وتقف بصحبة ورد عند مخدته
لو حبته
ولو حبته
كانت تحاجي ع الغرام
كانت تفوت له الصغائر
مش حرام
كت توزن الشوق باللقا
مش توزن الخوف بالجرام
لحد ما الخوف موته
لو حبته……لو حبته !!
