بيحسدوني ازاي ضحكت !!!
وازاي رغم كل الصعاب قدرت
ازاي بعد كل الحزن والالم كملت
بعد كل الخيانه والانكسار مشيت الطريق وعشت
وعلي رجليا رجعت من تاني وقفت ..
وازاي لسه قلبي قادر ينبض للحياة
ويقول للدنيا انا لسه عايش ما نتهتش
بيحسدوني ازاي ضحكت !!!
اه بحارب ضعفي وعلي الوجع قدرت
اه يا دنيا شفت منك مرار كتير لكن بعون الله صبرت واتحملت
طول مافيا نفس مش هاسيبك تبيعي فيا وتشتري دنا بنت الأكابر ومهما عملتي فيا عمري ما اتهزمت
بيحسدوني ازاي ضحكت !!!
فاكره نفسك ايه يا دنيا دنتي دنيا من الدنيه وعمرك ما هاتقدري عليا
قلبي بالأيمان مليان و ما هاتعرفي تقولي انا عافية وعليها قدرت
بيحسدوني ازاي ضحكت !!!
انا مش عايزه احاربك ولا حتي تحاربيني انا بس عايزه في حالي تسيبيني
وبردو عمري ما هاقولك انا خلاص ليكي سلمت واستسلمت
بيحسدوني ازاي ضحكت !!!
