جريدة الاخبارية سياسية::شاملة::مستقلة
مقالات مشابهة
وخداني على فين يا ما
انا شايف الدنيا ضلمة
وعينيكي لي مفيهاش حنان
انا ليه حاسس بقلبي تعبان
زي ما اكون هفارق بني الإنسان
طيب ماشية بسرعة كدة ليه
وعايزة تعملي ايه
واخويا ليه مش ماسكة ايديه
طيب عايز اقولك انا جعان، واخويا كمان شايفه نعسان
طيب مش عايزة تاكلي انتي كمان
ما تردي عليا يا ما
وضمني في حضنك ضمة
شيلاني بكره كدة ليه
انا مش عارف انا فيكي عملت ايه
ده انا صوتك بنام واصحى عليه
انا قلبي بدأ يخاف
انا شايفك باختلاف
الله آخويا فين وديتيه
انتي ازاي في البحر بترميه
سيبيني اجري عليه
انتي مش امي ولا ايه
مش عايز ابص في عينيكي
ولا حتى ألمس ايديكي
راحت فين الحنية اللي في القلب ليكي
انا شايف نفسي في الجنة
انا واخويا بنتهنا
وملايكة واقفة علشنا
والعالم بيبكي لحالنا
لا ودواع ولا سلام يا ما
ولا حتى لحضنك هستني
انتي اللي بايديكي اخترتي
وعرفني تطلعي من الجنة
