ومين غيرك يكون لي طريق
رفيق الدرب والمشوار
ولو جار الزمن يسندني
ويسعد قلبي لو هحتار
ادارى الحزن وقت الضيق
اشوفه.. عنيه بتنداه لي
علي وجعي
تسمي وتصلي
بذكر وايه م القرآن
انا بقولها واسمعني
ومين غيرك ح يسمعني
في عز الحزن غنوة جميلة
تكون للفرح تأشيرة
تخدني معاك في قلب سفينة
تكون انسان
ومتصنف بطبع الجان
لمست روحي بأشارة
وعشش جوة قلبى كمان
بقيت عشقه اصلي لك
في صوت الفجر أدعي لك
تبقي ضلي في كل مكان
وتبقي ايدين بتجني الخوف
وتفرش لي المحبه أمان
ويمسح دمعي مناديلك
من الحزن اللي كان وكان
انا البنت اللي عاشت ديما
بطله في فيلم كان يامكان
حدوتة حزينه ونهايه
دمعي تملي جنبي ينام
ومين غيرك
يكون لي طريق
وتبقي للفرح عنوان
مين غيرك

شاعرة مصرية