جريدة الاخبارية سياسية::شاملة::مستقلة
مقالات مشابهة
واقول الشعر يا ساده
ماهوش صاج من كلام مرصوص
وبيت كامل وبيت عصعوص
وبيت ماشي على رحته في بلاد الله..
كما الممسوس
وأقول الشعر دا معنى..
عبير قبل الكلام محسوس
واقول الشعر دا صوره..
كأنها بكر لسه حليب
لا تعبير مات بقاله سنين
ولا تهويم ولفظ غريب
أقول الشعر زهره في روضة العشاق
واقول الشعر في ليل الشجن سومه
واقول دا في ظلمة التيئيس بيبقى فانوس
وأقول الشعر وقت الحرب..
سيل بركان
وأقول فى الفصحى يبقي السيف
وفى العامي يكون شومه
بيحصد م القلوب الخوف
كمان للغدر يفنى رؤوس
وأقول الشعر دا في الحق
ما يفرق رئيس.. مرؤوس
وأقول الشعر لو خطفوه
فله بصمه
بتفضح..
الدعي ولصوص
بأقول إنه وأقول إنه
فممكن إيه تقول عنه؟!
