جريدة الاخبارية سياسية::شاملة::مستقلة
مقالات مشابهة
امانة عليك يا قبر ..
تأخد ابنى بالحضن ..
ده شاب زى الورد ..
وراح يا قلبى غدر ..
أمانة عليكى يا شمس ..
تأخدى ابنى بالحنية ..
اللي اتغدر به ..
وهو فى الجهادية ..
ده هو كان فرحة قلبي ..
ونور عينيا ..
امانة عليك يا تراب ..
تخلى بالك من الاحباب ..
اللي غاب فى عز الشباب ..
وحياتى من بعده نار وضباب ..
ياريتنى انا اللى جيت لك بداله ..
وهو اتهنى بشبابه ..
احسن ما اعيش بعذابه ..
وضنايا من الدنيا ماعاش ..
ولا اخد منابه ..
امانة عليك يا قمر ..
تنور قبر حبيبي ..
ده عشان مصر ..
ياما اتحمل الخطر ..
وراح مننا وغاب ..
و قلبى عليه انفطر ..
امانة عليك يا طير ..
تعرف لى دمه فى رقبة مين ..
ده انا قلبي عليه اتعصر ..
امانة عليكي يا جنة ..
تخلى شهيدى ينعم و يتهنى ……
حنان غانم