ومين يقدر يعدى السور
ويطفي النور
اذا كان القمر طالع وله حراس
ومين يقدر يعيب شجرة
بتطرح باسم رب الناس
وملك الناس إله الناس
ولو مليون شيطان خناس
وفيهم ابراهيم عيسى
وبنت شاهين
وبنت اللي مانعرف مين
ولا الضالين…
هيقدروا ينزعوا الإحساس
دا مولانا….
محدش ياخد المطرح ولا الخانة
ولايقدر يطوله شيطان
ومولانا …
بيشرح سورة الرحمن
بتبقي العمة والقفطان
ملايكة والأيات شاهدين
ولما بيقرا طور سينين
بتتحول ايديه بساتين…
وصوته بيبقي طعم التين……
ولما يقول محمد قال…
.بتبقي الجنة فى الشرايين
وتلقي السامعين وصلوا لعليين
دا مولانا…
وروحه عايشة ويانا…
ولايقدر ينال منه شوية طين
وتفضل سيرتك العطرة
وراك مطرة من الياسمين
دا مولانا …
بيفتكروه مالوش عزوة
وهوه قائد الغزوة
ولسه بسيفه فى الميادين
إمام العارفين بالله…….
فى حجره الكلمة بتصلي
بسيرته الشهد بيحلي…
.معاه مفاتيح….
.ومن تفسيره ان الريح
بيجى مفرده بعذاب..
ويجى الجمع بالتراويح
سلام الله ياشعراوى..
يامتولى
بندعى كل ما نصلي ..
وواقفين ع المحبة طابور….
.سلام الله علي روحك..
ياسيدنا …………ألف رحمة ونور
..
