أنا كويس ومش بغرق
ولو جات سيرتي مش بشرق
ومهما شلت او حطيت
وفاض الكيل
تِشَتًي ياليل
بخجلي ياناس انا بعرق
انا كويس وكله تمام
لا فيه لحمة..
بلاها حمام..
ولو ملقتش اتشعبط
ف ميكروباص
وتاكسي خاص
على رجليا انا حسبق
انا كويس ولا زعلان
ولا بعانى من الحرمان
ححوش كل يوم دمعة
ف جفن العين
ياليلي ياعين
لحد الفجر مايشقشق
انا كويس واهي دقنى
وخلي الفرح يعاندني
حنتنفس هوانا حلال
تِجَمّعْنا صينية شاي
لا يوم راح اخون ولا حسرق
انا كويس وعال العال
مشيت حافي لبست نعال
لقيت مسمار ف شارع طين
غرزت انا فيه
ماتسال ليه
وغيري لقاه دهب يبرق
انا كويس وغطينى
عشان النوم يزور عينى
اشوفلي حلم وياخوفي
يصحوني
يحاسبوني
عشان ف منامي بتشبرق
دانا كويس
