السن مش حِمل تقيل ولا وكسة
سيبك مل خطوط والتجاعيد
السن ضحكة عل خدود بتئيد
وشجرة طرْحَها ضحكة
وبيقولوا الضحكة أصلا
بتقلل التجاعيد
خد بالك يا صاحبي بس
ان البسمة بعد اليأس
في كل مرة محتاجة ارادة حديد
….
السن مش عدو عشان تتحداه
ولا مراية تترجى تكون مدارياه
تداري ايه يا مراية
دة سني… دة عمري…
دة عشرة ودمعة وضحكة
…..
دة سني دة غالي علي بأيامه ولياليه
وكل خط – انتو بتسموه تجعيدة –
متعرفوش اللي اتدفع فيه…
