جريدة الاخبارية سياسية::شاملة::مستقلة
مقالات مشابهة
مبالغه مني عن استحقاق
وفير الحب بقي اسقاط
يا ناس….. في حد في السكات يفهم
و حد من الثبات ينهار
استغفرالله لم أتب
مازالت متعلقه في توبه
مازلت بتنفسه و استني ف حضوره
بتيجي الملايكه معاه
و ان غاب اروح ازوره
هي الحكايه بتنتهي عند السؤال بجواب ؟!!
ولا المحبه بتتخلق من نظره الاعجاب
والله مهما ان قلت … قلبي اتفتحله الباب
و كأني لوحه بإسمه رسمها ف غيابه
عجبت لك يا زمن ..بقينا امتي أحباب…
بكل صدق و كبرياء و خضوع
بروح لروحه .. و ماعدش شيء ممنوع
اسمع كلامه اندهش . و لكنها الاسباب
دا نصيب بيتحقق …و قلبي ما صدق
و ان غاب معاه راح اروح
و يا روح ما بعدك روح ..
الدنيا ايه بعدك … غير ميت طريق كداب
يا حكايه لن تنتهي
يا وعد هافضل بيه
قسما بقلبي و مذهبي
جوايا عايش فيه
صدق ماعدش كلام ممكن يوفي القصد
انت اللي حركتني و رسمت فرحي بصمت
يادي الكلام اما يكون قله
لا تمسك المعني ولا تفهم الحكمه
انا في النهايه بحب و قلبي ما صدق
رسمت بيك الحلم و يا رب يتحقق .
ماعدش فيه مفرده ……او جمله مجازيه
قلت اللي حساه روحي و ف قلبي و عنيا
ايه اللي ممكن يتفهم من واحده فجأه ابتدت
تحب الحياه ……. و تحب كل الدنيا ..
ايه اللي ممكن يترسم وياه غير استقرار
و قلب صادق بجد ماتعبش م المشوار ….
