لماذا حولتم المودة والعشرة التى كانت بينكم إلى خصومة وبغض
لماذا أوصلتم الأمور إلى محاضر ومحاكم
أهذه هى هديتكم و تربيتكم لأولادكم أنتم بينكم خصومة وما بتطيقوا بعض إيه ذنب أولادكم تدخلوهم فى خصومة مع أولاد عمهم و أولاد خالهم و عماتهم و أولاد جيرانكم إية ذنب الأولاد ليه بتحبوا تولعوها و اللى بيمنع أولاده يزوروا بيت جدهم لأمهم
والله ما بيقبل صلاة قاطع الرحم و لا صيامه
مش لازم تبقى حياتكم قطيعة و خصومة هو أنتم بتتنفسوا مشاكل كل هذا قرابين تقدم للشيطان و العياذ بالله ، يقول سبحانه ( فَهَلْ عَسَيْتُمْ إِن تَوَلَّيْتُمْ أَن تُفْسِدُوا فِي الْأَرْضِ وَتُقَطِّعُوا أَرْحَامَكُمْ )
اقرأ هذه الآية مرات و مرات و أفهم اللى بتعمله ده أسمه فساد فى الأرض
الحياة قصيرة و الموت قريب قوى حبوا بعض و حنوا على بعض
