يوم موتك باباما فارقني مانسيت
القلب بالهم مسا والدمعة بها تكسيت
تفكرت دخلتك وشحال بكيت
القلب تعمر بالغبينة بالهم رشيت
حيطان دارنا باردا وتكويت
نار فراقك بها تبليت
وينك يابابا من البعد مليت
نحوس عليك من بيت لبيت
هازا قشبيتك لخليت
بقيت بالظلمة كي الشمعة طفيت
يارب بلا دخلته كرهت ومليت
ما نرقد مايجني نوم وللهنا نسيت
تصورتك تحت مخدتي معها فنيت
زدتني دمعت ميمتي شحال كوليت
بابا رحت خليت القلب بلا غيت
الدنيا عليا تبدلت
الارض تحتي تهزهت
بلا بيك المعيشة مرت
وكل الناس عليا صدت
المحبة من وصالى تقطعت
يابابا الموت داتك ذاك اليوم
هجرني حتى النوم
وبقيت وحيدة ماعليا لوم
نصقصي عليك كل القوم
كتبتك حروف هي وشم
كتبتك قصيدة بها كل الهم
بلا بيك يابابا ركبني الغم
ومابقيت نبتسم
نزور الجبانة وذاك القبر
نوسد الحشيش ونزيدالحجر
بلاك تبرد نارك الي كلجمر
والله مانساك طول لعمر
بنتك تبقى بيك تفكر
وراح معاك حتي البصر
بابا مابقى عيد مابقي فجر
الغبينة القلب لمكسر
الله يرحمك ياضوء البصر
