علّم الناس علمك ،
وتعلّم علم غيرك ،
فتكون قد أتقنت علمك
وعَلِمْتَ ما لم تعلم
سيدنا علي بن ابي طالب
متبخلش بالعلم اللي ربنا وهبه ليك على الاصغر منك متفكرش ان ده ممكن يميزك عنه
العلم ده الفضل فيه لربنا اولا وهو اللي رزقنا الفهم واسباب تحصيله وبيختبرنا بيه هننشره ولا هنكتمه
وزي ما كل حاجة فيها زكاة فزكاة العلم نشره وتعليمه
الزكاة في اللغة العربية يعني النمو والزيادة عايز ربنا يفهمك اكتر ويكبر علمك علم غيرك اللي اتعلمته
كمان دايما انسب العلم لاهله لان ده من بركة العلم يعني مش عيب وانت بتعلم حد تقول اتعلمتها من فلان وتذكر اسمه
افتكر كل اللي علمك كلمة بخير واترحم على اللي مات منهم
استحضر نية تعليم العلم وانت بتشرح لحد حاجة تاخد ثوابها
متقللش من حد عمل حاجة او قال كلمة غلط ومتعايروش بيها وافتكر ان ربنا قادر يسلبك علمك ويعلمه وان من عير اخاه بذنب عير به
اخيرا متذلش ولا تمن على حد بعلم علمتهوله عشان متفسدش عملك ده وتخسر ثوابه.
