جريدة الاخبارية سياسية::شاملة::مستقلة
مقالات مشابهة
يادي العذاب اللي إحنا عايشينه
يادي السواد الطاغي علي . حالنا
ب نبص ف ال وش اللي عارفينه
ف نلاقي بؤس ال دنيا . كحلنا
آخرتها إيه علشان طفحنا ال مر
والعمر عدي وقطره جه سحلنا
فوق معانا ياريت يا عم ال زمن
وإضحك معانا في ليله وإصحي لنا
عايشين ف حزن أديلنا ياما سنين
و ال فرح غايب عننا . وبعيد
عايشين ف دنيا ك إننا مساجين
من غير حيطان ولا حتي سور . وحديد
و ال بسمه كل ما تيجي توعدنا
ترجع وتخلف تاني في ال . مواعيد
ل كتير شقينا لحد لما ال صبر
هاجر عشان ملمحش أي . جديد
وياريت بنحلم ب القصور و ال . مال
أو حتي جاه يرحمنا مِ ال معجنه
ده الحلم نملك فرحه بس يا . خال
وأظن عادي ال حاجه دي . ممكنه
لكن ل حتي ال فرحه عملوا تمن
خلوها ل اللي معاه فلوس . وإغتني
وإحنا الغلابه مجبورين ع ال عيش
وسط ال كآبه وفرمه ال . مطحنه
يا زمان معادي حن يوم . وإختشي
و ف عين جنابك حط ملح . الدمع
نازل ب يؤمر ف الخدود . كرمشي
ف بلاش عناد خف الغباء و ال . قمع
ده القلب من ظلمك خلاص . سوس
ما لمحنا منك بس شوم ال . طبع
إرحم وشوف إذا كنا نستاهل ؟
ولا اللي فاضل فينا بس ال . نخع
جرب معانا و وعد مش خسران
ده قلوبنا فيها الطيبه والله . إكوام
إرمي لنا طُعم وشوف أكيد هيبان
إذا كان كلامنا ده طفش ولا . تمام
لو صدق يبقي إسمح لنا ب فرصه
نقدر نعيش بيها الحياه ف . سلام
لو طفش يبقي إدينا فوق روسنا
وإقرصنا وإنت مفكش أي . ملام
فكر ولكن حط ف ال . حُسبان
إن إحنا هم ال دنيا جه و . طالنا
من كتر م إنت رميتنا ف الحرمان
هيله بيله قام و ب سرعه . نزلنا
ف قبور مخيفه تهج منها الروح
ما ف كل ليله تزيد . مشاكلنا
فكر ب رحمه قاضي مش ب الورق
وبلاش ب حكم جديد . تزعلنا
ما من العذاب اللي إحنا شايفينه
والله يصعب ع ال وضيع . حالنا
ب نبص ف الوش اللي شايفينه
ف نلاقي بؤس ال دنيا . كحلنا
