ارهاب للكل بصورة شاملة وكمان عامة
مصاريف كتير والهم ياقلبي كبير
اسر بحالها وقفت حياتها وذاكر باواد وذاكري يابت
عشان النتيجة والفضيحة هاتكون علي النت
والكل هايشوفك نجحت ولا سقطت ولازم ترفع راس ابوك ياواد
وترفعي راسك امك يابت
و مش فارقة ابن الوزير وابن الغفير
فلوس في الدروس كتير
وبيع اراضي ودهب ومايكفيش
حتي كمان السلف مابيقضيش
والبيت كلة في اكتئاب واكتر من سنه ونص هم وعذاب
ويجي انسان مختل يحط لولادنا الامتحان
يظهرلنا عضلاته و مهاراتة وعقدة علينا ياعيني تبان
روح ياشيخ هي كانت ناقصة جنان
وفي الامتحان يكرم المرء أو يهان
وشباب زي الفل للدنيا لسه وردة بتفتح
قلبه وقف خايف من الملامه والأهل يتوجع و يتجرح
رسالة كل أسرة للكبير ارجوك
ومن فضلك صلح التعليم وعدل الموازين
وابعد عنا ارهاب الثانوية العامة
