الماضي خلاص
مات واندفن لية تشيل عنه الكفن
مش هتلاقي غير جيفة
وقلب ميت وعفن
مش هايصحي تاني خلاص
ما انت قتلت فيه المشاعر والإحساس
مش شوية كلام حب واغاني
ها تردله الروح من تاني
لو كنت اهتميت ولا حتي راعيت
انسانه كانت بعد ربنا في معيتك
لكنك كنت سجين افكارك و انانيتك
ماكنتش شايف غير اللي بتورهولك دنيتك
مرايتك كانت نفسك اللي كتير كانت بتوهمك
وعن الطريق الصح بتضللك
الذنب كان ذنبك مش ذنب الزمن ولا حتي ذنب حد تاني
ماعرفتش تتقي فيها ربنا وهي كانت هدية من السما وعمرها ما هاتتعوض ولا هاترجع تاني
بلاش تحمل الكل همك
ماكنش من الاول في حاجة في الدنيا تهمك
الراحة والأمان مش مع أي انسان
انسان كل شوية يجري وتجري وراه
وتترجاه
ودايما معاه خايف مش مطمن وكمان قلقان
اصلة غدار زي الزمان
