جحا باشا اسطورة من زمان له حكم ومواعظ ونوادر وحكايات الناس بتتناقلها وتضحك وخلاص لا حد بياخد عبر ولا مواعظ من نوادر جحا باشا من زمان وهو على هذا الحال يقول ويشرح ويفتى ويعمل والناس ودن من طين وودن من عجين
من روائع نوادر جحا باشا حكاية اصبحت الان مشاع وكانوا بيضحكوا عليها زمان والنهاردة بقت موجودة فى كل مكان وبتعانى منها الكثير من البلدان والاوطان
زمان قالوا يجحا المسخرة فى البلاد اللى حوالينا
قالهم جحا وانا مالى طالما بعيد عن بلدى خلاص مليش دعوة
قالوا ياجحا المسخرة جت بلدنا ووصلت لنا العدوى
قالهم وانا مالى طالما بعيد عن قريتى خلاص مليش دعوة
قالوا ياجحا المسخرة جت قريتنا وبقت فى بيوتنا
قالهم وانا مالى طالما بعيد عن بيتى خلاص مليش دعوة
قالوا الحق ياجحا المسخرة ماليه بيتك
قالهم وانا مالى طالما بعيد عنى خلاص
طبعا نعيش الان فى مجتمع اغلبة جحا باشا وهؤلاء معندهمش القدرة ولا العزيمة ولا الارادة انه يبقى غير جحا باشا
كل المعايير التى نحدد على اساسها خطورة المواقف وحل المشاكل التى تحيط ببلادنا اصبحت تعتمد على منطق جحا واسلوب انا مالى اصبحنا نحسبها غلط فى غلط الشئ الذى يضرنى شخصيا فهو عيب وحرام والشئ الذى ينفعنى شخصيا فهو جيد وحلال وخير بصرف النظر عن المجموع عن الاهل عن الوطن عن كل من حولنا
اصبح اسلوب جحا باشا انا مالى قاعدة عامة يسير عليها العديد من افراد المجتمع لا ايجابية ولا جديه ولا عمل ووصل الحال بنا ان وانا مالى بتاعة جحا اصبحت تبعد الكثير منا عن انقاذ المستغيث والوقوف مع المظلومين واضافوا لمبدء جحا مليش دعوة واضافوا خليك فى حالك وكانها اصبحت مهمة فى قاموس لغتنا المعاصرة
يا جحا باشا منك له له اعلموا ان الوطن لنا جميعا وحمايتة من الخارج والداخل مسئوليتنا جميعا واعلموا ان ما يصيب غيرك سيصيبك انت ايضا اعلموا ان الوطن جسد واحد ونسيج واحد لا يقبل وانا مالى ولا يعرف مليش دعوة ولا يهتم بخليك فى حالك كلنا فى مركب واحد وكلنا ضد مبدئ جحا باشا اللى كان زمان نادرة من النوادر بنضحك عليها والنهاردة بقت حقيقة وبكرة هنندم ونبكى عليها
نوادر جحا باشا كلها عظة وعبر نخلى بالنا ونتعلم منها
مش كده ولا ايه
