جريدة الاخبارية سياسية::شاملة::مستقلة
مقالات مشابهة
يا قلبي …
ياما جولت جناين
بنفس لهّافة
و غنيت قصايد
بقاو غير خرافة
فتت القمر و النجوم
الولاّفة
كتبت بفتاتها
دواوين بقى غير
غلافى
يا نفسي و شحال
معفافة
تتحرق برماد الحب
تهدون ألم و وجع
ف الركاني وحدك تبلع
مرارة ليام تخلع
وخا تعيى ما تخبع
يا قلبي راك ضاربك
سيف البهتان و الخداع
يا قلبي بالي عليك
مرواع
خايفاك لا تخضع
و للخرايف الراشية
عاو ثاني تركع
يا قلبي جمع الوقفة
براكة من قلة العفة
راك ماشي بهيم
كن عاقل و ل ريحة
الشياط صاقل
النار تاكل
جوفك هبهابة
طفيها بماء الصفا
رويها من بير الوفا
يا قلبي فيق من نعاسك
هالعار لا تغفى ..
بلجيكا
