مفيش اتنين بيحبوا بعض
مزعلوش واتقمصوا من بعض،هذا أمر عادي والزعل بين المحبين أنواع وأسباب كتيره وأهم أنواعه الزعل الزوجي الذي قد يجهله الكثير من الأزواج ولا يعرفون كيفية التعامل معه هو الزعل الإستراتيجي (الزعل من غير زعل)هتقولي دي فزوره ولا إيه هقولك دي حقيقة مش فزورة
،فعندما تشعر الزوجة بالفتور العاطفي من جوزها ومحتاجه يقرب منها ويطبطب عليها ويسأل عنها ويحضنها برفق ويقولها كلمتين حلوين وهو مش هنا ومش واخد باله منها ولا مهتم أصلا بها، تقوم تعمل نفسها مقموصة وزعلانه منه على اي سبب تافه لا يستدعي الزعل أو القمصة.
(تلاكيك) والزوج الرومانسي العاطفي الحالم سيفهم الفيلم بسرعةويفسر زعلها على طول بأنها بتناوشه بشكل غير مباشر فيقترب منها ويطيب خاطرها وهنا يتحقق المراد، بعدها نجد ضحكتها نورت وملت وشها كأن الشمس نورت في يوم ملبد بالسحاب، أما لو كان الزوج من النوع القفا والحيطه، اقصد المتبلد والمسطح وجدانيا وعاطفيا وانفعاليا،سنجده يدخل معها في جدال لا ينتهي…(كلام في كلام)
ويصل الامر إلى المناقشات الحاميه والصدامية معهاو يظل ينتقدها على هيافتها و تفاهة أسباب زعلها منه وهاتك ياشرح وتفسير وحرقة دم بالساعاويمكن يطلعها في الأخر مريضه محتاجة تتعالج وهايفه وساذجه وطفله بتزعل من اي حاجه..عزيزي الزوج حاول تتعامل مع هذا الزعل باعتباره مناوشه منها لك للتعبير عن حبك لها وعاوزك تفتكر ان في مثل مصري عندنا بيقول ( ايش تعمل الماشطه في الوِشْ العِكِر)

أستاذ علم النفس
جامعة عين شمس