جريدة الاخبارية سياسية::شاملة::مستقلة
مقالات مشابهة
مين يجيله نوم فى ليلة كثر فيها التساؤلات التى بلا اجابات ارق تفكير بلا نتائج او اجابة للتساؤلات مفيش غير اجابه واحدة وجدتها للرد على تساؤلات وافكار عقلى ووجدانى وهى اجابة منطقية تتفق مع العقل والمنطق والحاله اللى احنا فيها وهى اجابة وانا مالى او احنا مالنا ونزودها حبه ونقول ملناش دعوة تقولى ازاى اقولك معرفش وجدتها اجابات صريحة ومهدئة للاعصاب علشان نقدر ونعرف تنخمد ننام وليكن ما يكون
سالتنى نفسى مين الجهبذ الشيطانى اللى اخترع نظام الانتخابات المعمول به الان قلتلها وانا مالى
سالتنى مين علامة زمانة اللى بيختار وينتقى النواب لوحده كدة لا رقيب ولا حسيب ولا ضمير قلتلها يانفسى وانا مالى
سالتنى طيب هو اللى تم اختيارهم بيدفعوا ملايين كبيرة علشان يقعدوا على الكراسى رديت وقلت اسكتى يانفسى ملناش دعوة
طيب سؤال محيرنى هو صحيح النواب العشرة اللى استقالوا من مجلس النواب ودخلوا الشيوخ عملوا كده بتعليمات علشان مجاملة لهم لان ملهمش مكان فى النواب رديت وقلت ياست نفسى وانتى مالك
قالت لى نفسى انت زعلان ليه كده تعرف تقولى اختاروا مين فى القوائم او الفردى يمثل الفلاح او العامل او الغلابة والفقراء قلت مفيش ومليش دعوة وانا مالى هو انا اللى بختار
ياعنى عجبك ياباشا دى نفسى اللى بتسالنى كل المختارين من الاثرياء والاغنياء ورجال الاعمال رديت وقلت لها يانفسى وانا مالى
احرجتنى نفسى وسددت سؤال حيرنى وحطتنى فى خانة اليك طيب انت هتروح يوم الانتخاب تدى صوتك قلتلها مش عارف واحنا مالنا بردة ملناش دعوة ايوة ملناش دعوة
سالتنى هو فعلا عندنا كل الاحزاب دى اللى عملت قال ايه تحالف واختارت اغنيائها واثريائها دون الخدمين فيها وكانوا فين دول من زمان ياست نفسى ابوس ايدك وانا مالى ليه الاحراج ده
هو كده حضرتك مرتاح ومبسوط من الوضع ده والاختيارات دى والحروب دى والاسماء دى قلتلها ملكيش دعوة وانا مالى ارتاح ولا اتحرق انتى مالك
سالتنى نفسى هو كل حاجة وانا مالى وانتى مالك وملناش دعوه قلتلها ايوه ملناش دعوة البلد بلدهم والورق ورقهم والاحزاب احزبهم واللى بيختاروا بتوعهم واحنا ملناش دعوه
ازعجتنى وسالتنى امال ياباشا احنا لنا دعوه بايه قلتلها يانفسى طول عمرنا لنا دعوة ببلدنا وامنها وسلامتها والحفاظ على جيشها وشرطتها وندعى فى كل صلاة ان ربنا يوفق رئيسها لما فيه خير البلاد والعباد يانفسى لنا دعوة نتحمل ونصبر ونعانى ونقاسى ونتحمل تباعات العلاج الاقتصادى وملناش دعوة لا ببرلمان ولا كراسى لان دى بتاعة الطبقات العليا فى البلاد كان زمان لنا فيها اما الان ملناش دعوة خلينا فى احوالنا وربنا يسترها على مصر وينصرها ويقويها ويوفق الرئيس السيسى فى كافة الامور وبلاها نواب وشيوخ ولا يحزنزن احنا مش ناقصين تفرق وانقسام وحروب انتخابات ملناش دعوه بيها
ياعم سامى دى نفسى اللى قالت انت كدة محبط وعملتلى احباط وانتى مالك محبط محبط ملكيش دعوة يانفسى احنا ملناش دعوة فهمتى ولا اقول كمان اعملى معروف خلينى اعرف انام
مش كده ولا ايه
