فى جولاتى الانتخابية بالامس استوقفنى شاب مثقف محترم ووجه لى سؤال مباشر افقدنى القدرة على الرد للحظات من هول السؤال وطريقة العرض والطلب ياعم الحاج نشاهد فى تليفزيونات مصر حملات تدعو الى التبرع للخير تارة لمعهد الاورام لعلاج الاطفال واخرى لسقى الماء فى القرى وثالثة للتبرع فى مشروع نخيل او زيتون الفقراء وغيرها وغيرها من الدعاية حتى ظننت ان مصر فقيرة تحتاج الى جمع التبرعات لكل المشروعات وخدمة الناس وفجاءة وبل مقدمات وجدت البهرجة والفشخرة والمباهاه التى تدل على ان مصر من اغنى دول العالم ولا تحتاج اى تبرعات لما شفت مؤتمر منيا القمح والناس بتقول صرفوا فيه 16 مليون مع بتاع التلين هو مين الصح ياعم الحاج التليفزيون ولا بهوات الاحزاب احنا الشباب نصدق مين ونثق فى مين ونروح ننتخب ليه من الاساس ولما نتكلم يردوا ببجاحة ويقولوا فلوسنا من جيوبنا واحنا احرار فيها نرميها فى الارض او نشترى بها الناس فلوسنا ومحدش له دعوة وسكت الجدع عن الكلام
ولم اجد رد لفترة حتى استوعبت السؤال وقلت له يا ابنى كل مجتمع فيه الصالح والطالح فيه من يعمل للخير وفيه من يتجاهل الخير بل يتجاهل الدين الذى قال الله فيه ولا تبذر تبذيرا ان المبذرين كانوا اخوان الشياطين وكل منهم سيحاسب يوم القيامة عن ماله من اين اكتسبه وفيم انفقه فمنهم من يرد اكتسبته من الحلال وانفقته فى الخير كما امرتنى ومنهم من يرد اكتسبته من الحرام وانفقته على البهرجة والفشخرة والمباهاة وعلى المؤتمرات والسيارات والعزومات والتباهى والغرور بمالى فلا تحزن يابنى ولا تساوى بين الطرفين طرف الخير وطرف الشر والغرور طرف يدعم الدولة بالعمل والمساهمة فى بناء الناس وخدمتهم وطرف يدعى انه يدعم الدولة بالاقوال والصواريخ والمؤتمرات والتصوير والغلط فى الناس اعلم يابنى ان ما جاء من الاموال من حرام ستنفق فى الحرام واعلم ان الله عز وجل اذا غضب على قوم رزقهم من حرام واذا اشتد غضبة بارك لهم فيه
يعنى ياعم الحاج انا عارف الكلام ده يعنى ينفع مفيش مسئول يحاسب الناس دى مفيش حد يقول لهم عيب وجهوا اموالكم لفعل الخير ومساعدة الغلابة او فى تجهيز المستشفيات او غيرها بدلا من رميها فى الارض وخطب وصواريخ وضحك على الناس واشمئزاز وسخرية الناس هو احنا ناقصين قرف ياعم الحج
والله يابنى انا مش عارف اقولك ايه واللى عندى قلته وربنا يهدينا كلنا على ما يبدوا اننا فقدنا المثل والقدوة وفقدنا الاخلاق والقيم عند البعض وللاسف اصبحوا مسئولين وعلى الكراسى جالسين ببجاحة وغطرسة اوعى تزعل يابنى واوعى يصيبك احباط فباذن الله الفرج اتى وقادم وسيكون النهار بعد الليل باذن الله وبنا يكفينا شر المنافقين والمنتفعين فى التعليقات
مش كده ولا ايه
