طز اوعى تزعل هى كلمة تعنى فى اللهجات العامية العربية اللامبالاه والسخرية وهى اصلا كلمة عثمانية قديمة تعنى الملح ايوه ملح الطعام وقال البعض ان كلمة طز كلمة مصرية قديمة وليست تركية والمقصود بها الازدراء والسخرية واى كان معناها او اصلها وفصلها فبكل صوت عالى وقوة نقولها الى كلا من
طز فى كل واحد بيخون الوطن وبيعمل ضدة من الخارج او الداخل
طز فى كل واحد شغله الشاغل اطلاق الاشاعات وترويع المواطنين
طز فى كل واحد بيرتشى ويخون الامانة او يحتكر السلع لرفع الثمن
طز فى كل واحد بينافق ويجامل وبيكذب على حساب مصلحة مصر
طز فى كل واحد اشترى مقعد فى البرلمان بفلوسة رغما عن انف الشعب
طز فى كل واحد اشترى ورشى الناخبين لتحقيق النجاح الغير مستحق
طز فى كل واحد استغل منصبة وعملة فى تحقيق الربح والمكاسب الحرام
طز فى كل واحد ساند او دعم الاخوان والارهاب ضد مصر
طز فى كل واحد بيسئ لسمعة الناس بالزور والظلم والكذب
طز فى كل واحد بيستغل منصبة وعملة لتهديد الناس وتخوفيهم
طز فى كل واحد يهمل فى عملة ولا يؤدى ما عليه وخدمة الناس
طز فى كل واحد لا يحترم المال العام وبيسرقة ويكسره ويحطمة وهو مبسوط
على العموم طز فى كل واحد وحش وشين بلغة بلدنا بل مليون طز
مش كده ولا ايه
