جريدة الاخبارية سياسية::شاملة::مستقلة
مقالات مشابهة
إياك يا طيب تكون زعلان
وتبات ونِفسَك مَكسورة
أنا نِفسي أوصِف لو فِ الإمكان
مليون إحساس جُوَّة الصُورة
اياك تحس بالإنكسار
أو يوم تمِل م الإنتظار
خليك جامد دايماً ثابت
خليك مكَمِل فِ المِشوار
مسير الحال ف يوم هيطيب
صدقني يا طيب فرجُه قريب
انا عارفك عايش بتقاسي
لو أقدر أوصِف إحساسي
والله مقامَك فوق راسي
ومجرَّب ضيق الأحوال
سيبَك مِن كُل إللي بيتقال
وإياك تكون فاكِر نَفسَك
زي ما بيقولوا عليك (زبَّال)
خليك دايماً فاكِر إنَّك
ف الدنيا مافيش أنضَف مِنَّك
دول خَلق غلابة و مَرضَى نفوس
ولا عُمر القيمة كانِت بِفلوس
خَليك دايماً مَرفوع الراس
ومعلِّي رقبتَك وِسط الناس
وإياك تقلِل ف مكانتك
ده كفاية رجولتَك و أمانتك
وكفاية الصَبر ف إخلاصَك
صدَّقني أنا دايماً قَلبي معاك
ولو أقابلَك يوم راح أبوس راسَك
