جريدة الاخبارية سياسية::شاملة::مستقلة
الاخبارية سامية الفقى
مهزلة بمعنى الكلمة فى ثانى اكبر مستشفيات الهيئة العامة للتامين الصحى
بصراحة مش عارفين نقول ايه ولا ايه والد احدى الممرضات اصيب بوعكة صحية. شديدة قامت الممرضة اخدت ابوها المستشفى اللى تعتبر من اكبر مستشفيات التامين المهم الاطباء طلبوا انه يدخل الرعاية المركزة الممرضة قالت مفيش مشكلة لكن علشان ابوها ملهوش تامين للاسف مدير المستشفى كان ليه رايء اخر انها لازم تدفع مبلغ تامين عشرة الاف جنيه طبعا الممرضة ليس معاها فلوس بعد شد وجذب المدير قالها اللى اقدر اخدمك انى انقلك ابوكى لاقرب مستشفى حكومى وعلشان الممرضة ممعهاش فلوس وعلشان تلحق ابوها وافقت على نقله للمستشفى الحكومة طبعا الرعاية مختلفة وكمان كانت هتبقى جنب ابوها فى مستشفى التامين
ولاول مره نعرف ان اسر العاملين لازم يدفعوا تامين واللى يغيظ ويحرق الدم ان مدير المستشفى
كل كام يوم بيدخل حالات العناية ملهاش تامين وبعد٤٨ساعة بيكتب على الملف طوارىء ايه رائيكم فى المهزلة دى وخصوصا انها تانى اكبر مستشفيات الهيئة وهل التمريض لما يلاقى المعاملة الزفت دى من مدير المستشفى هيعاملوا المرضى ازاى علشان كده نتمنى ان يكون اختيار مديرى الوحدات بمعايير والاختيار للافضل مش للى يعقد الناس
ونرجو تفعيل و تطبيق قرار رئيس الهيئة لعلاج الاسره قرار رقم 368 والذى ينص على علاج المرضى بالطوارىء خلال 48 ساعة بعدها يخير المريض بتكملة علاجه فى نفس المستشفى او نقله لمستشفى اخر حسب رغبته
