تعرفوا ان اكتشفت ان الفيس عباره عن شارع مصغر من الحياه
اكتشفت هذا حديثا وخصوصا اني انا كنت لاأؤمن بالفيس
ولا الحوار عبر الفيس وكنت بعيب علي ولادي لما يقعدوا
ويضيعوا أوقاتهم غلي الفيس
وانا كنت فرحانه بموبايلي النوكيا اللي ليس فيه فيس
ولكن بعد ماولادي صمموا ان يكون لديه موبايل في فيس
واشتركوا فيه وجابوا ليه الموبايل هديه من سنه واكتر شويه
اكتشفت في الاول ان الفيس ده حياه تانيه جميله
وعشت فيها وبقيت فرحانه لما بكتب جاجه وتسعد الناس
وبتشجيعهم حبيت اقوم بدري يوميا اكتب حاجه جديده
لكن اللي حصل ليه امبارح وانا في غني عن سرده وحكايته
خلاني ابص للفيس بمنظور تاني خالص
وخلاني للاسف اكره الفيس
واتدبره جيدا
الغريب ان وجدت الفيس ده شارع مصغر من الحياه
بس فيه الغني والفقير ماديا
وايضا الغني والفقير نفسيا ومعنويا وأخلاقيا
نعم هناك طبقات من الناس
طبقه مثقفه واعيه راقيه في الاحاسيس والمشاعر
محترمه
طبقه أخري وصوليه مطبلاتيه نرجسيه محبه لذاتها
وتريد الوصول ولو علي جثث الناس
وكل من يختلف معهم في فكرهم فهو اكيد ارهابي
لغه الحوار لديهم متدنيه لتدني ثقافتهم شبه مفقوده
طبقه اخري
هيافه والفيس لديهم معاكسات وحب واضح انهم اتعاملوا
في حياتهم مع ستات كتيير للاسف
مش مظبوطه ولايعرفون المعني الحقيقي الرفيع
لمفهوم صداقه الفيس ولاتقدير الناس
وطبعا من اجمل الطبقات وارقاها هي الناس الموجوده علي االفيس من الطبقه التي ذكرتها في الاول
الطبقه دي بالنسبه لي ولامثالي طبقه بستفيد منها بمعلومات
قيمه وبتسعدني بأحاسيسها الراقيه مع مخلوقات الله كلها
وبتضيف لكل مااكتبه جديد
هم الثراء واللؤلؤ الموجود داخل الفيس
سواء من مرأه او رجل
ولاانسي اني أقول اني فعلا حبيتهم كلهم
واتمني لهم السعاده والله من جوه قلبي
لكن الموقف اللي حصلي امبارح
خلاني اعيد حساباتي مره اخري
واحتمال أبعد عن الفيس وارجع لموبايلي الغلبان ا
المسكين ارد فقط علي التليفون
وارجع لهوايتي المفضله وهي حبي للقراءه
ولكن لعلي انسي قريبا
وارجع اكتب علي النت
بعد ماتقفلت منه تماما
