اخترت صح ولا غلط ..القطر فاتك ولا اتقل تاخد حاجه نضيفه ..هوائي ولا عقلاني ..ناضج ولا ساذج ..تعالي بقي نشوف انت مين فيهم وهينفع تعيش او تختار مين فيهم.
قبل ما نتكلم لازم تتأكد ان الاختيار ده هو الي علي اساسه هتكون شكل حياتك ومش كل الي اتجوز نجح في اختيار شريك حياته، وعلي الجانب التاني برضه مش كل الي اتجوز فشل في اختيار الشريك .
ولكن إحنا دايما بنأمل ونسعي إنك تختار الافضل وتختار صح طب انت هتختار صح بناءً علي ايه، هنشوف سو بناءً علي ايه
في البداية واحنا بنختار شريك الحياه احنا مبنخترش فرد واحد إحنا بنختار فرد وعائله بأكملها هننظر الاول هل العائله نجحت انها تنشئ الفرد ده نشأه صحيحه اصلا قبل ما ننظر للبناء فلابد من ننظر الي الاساس في الزواج انت بتشارك بروابط علاقة تجمع عائلات بناخد فرد وعائله ونضم الفرد ده لعائله اخري وبختار الفرد والعائله التي تصلح ان تربي افراد جدد ماهو اصل زي ماالفرد اتربي هيربي
وضعنا الاساس يلا بينا نشوف البناء (الزوج)
هنرجع تاني نسأل السؤال هتختار الشريك ده بناءً علي ايه
قبل النظر ف اي امور دنيويه تخص الشخص او صفات انا لازم اعرف ايه مفهوم الشخص ده عن الزواج او منظوره للزواج شايف الزواج ده ايه وليه عايز يتجوز وايه مفهومه عن اختيار شريكه
واشوف اذا كان الشخص ده شخص سوي ولا بيسعي دائما لراحته فقط حتي لو تكلف الامر انه يعيش راحته علي حساب شريكه الاخر وايه هو منظوره للامور بنا
وهل هو فاهم ومدرك قيمه عقد الزواج وهذا العهد الي اخده ب احلال اسم الله وعلي هذا الاساس غرس جذور الطمأنينه في قلب الاهل واشوف ايه هي اهداف الشخص وطموحاته في الحياه وهل هو عقليه متجدده ام عقليه يغمرها الركود
كل دي اولويات لابد منها اطمنا من كل ده نشوف بقي المعايير التانيه الي برضه ع اساسها هختار لازم يكون بنا توافق وتكافئ في جوانب الحياه الي هي ايه بقي الجوانب دي؟؟!! الجانب المادي والجانب الثقافي والجانب الديني والجانب الاجتماعي والجانب النفسي والجانب الجسدي والجانب الاقتصادي
قبل مانتكلم علي الجوانب دي نفهم يعني ايه الاول تكافئ ؟
يعني يكون بنا تقارب في شتي الجوانب دي. يعني مينفعش اجيب واحد من كوكب المريخ اجوزه لواحده من كوكب الارض الا لو في بنهم توافق وده يستحيل
.الجانب الثقافي فلا بد ان يكون هناك تقارب في الثقافه والفكر لان النضج الفكري عامل رئيسي من اسباب النجاح والفشل وكنوز الدنيا مبتعمرش دماغ ماليها الخراب الفكري
..الجانب المادي فلابد من التقارب المادي او الوضع الاقتصادي بينهم وخصوصا بالنسبه للرجل
..الجانب الديني فلابد من تقاربهم دينيآ ولا بد من التركيز من المرأه علي هذا الجانب في اختيار الرجل لان الرجل كالمضغه بالنسبه للعائله اذا صلحت صلح الجسد كله اي العائله وكما اخبر النبي صلي الله عليه وسلم (من ترضون دينه وخلقه )
..الجانب النفسي وده في غاية الاهميه فلابد من معرفه هل هو شخص سوي نفسيا ام انه شخص وصولي انتهازي دكتاتوري او متسلط لديه الثقه الكافيه في شخصه وفي الغير هل هو شخص قيادي ام تابع للغير
..الجانب الجسدي بأن يكون مقبولآ شكلا وقالبآ فكما اخبرنا النبي صلي الله عليه وسلم تنكح المرأة لاربع احداهن كان لجمالها فلابد من اقتناع كلا الطرفين بالاخر اقتناعا تامآ حتي لا يحدث بينهم تنافر وتسود بينهم الألفه والمحبه
..الجانب الاجتماعي فلا بد من تقاربهم اجتماعيآ حتي لا يعيق هذا تفاهم الشريكين لاحقآ
وهناك معايير اخري هنختار من خلالها وهي الصفات فلابد ان يكون صادقآ وان يكون كريمآ .لين القلب .رؤوفآ . وان يكون مخلصآ .متفهمآ وان يكون منفتحآ ويقبل النقد البناء وبشوش الوجه وان يكون لديه القدره علي التعامل مع المشاكل والصعاب
لازم واحنا بنختار نختار افضل ام وافضل اب لازم نركز ونشوف تعامله مع الاخرين وتعامله مع اهل بيته وانظر له اثناء الخلافات والجدل والخصام لان هذه الامور هي التي تظهر المعدن الحقيقي لشخص وتزيل قناع الوقار والابتسامه المصطنعه والكلام المعسول
بعد ما مريت بكل ده وفرقت بين مميزات الشخص وعيوبه لازم اشوف مقدار تحملي لهذه العيوب وهل في مقدرتي اني اتحملها واتغاضي عنها واتعايش معها في سبيل ان. هناك مميزات تغطي تلك العيوب ولا هتكون فوق طاقتي
وانت بتختار اختار بحذر لان دي بداية حياتك والاختيار ده انت الي هتتحمل نتيجته طول العمر وهيكون احدي الاحتمالين إما السعاده والطمأنينه وإما الشقاء
تخيروا كما امرنا النبي صلي الله عليه وسلم (تخيروا لنطفكم فإن العرق دساس)
