اكيد كلنا بنشكر سيدة القطار علي موقفها النبيل تجاه العسكري بس مش لدرجة الافورة والضجة دي اللناس عملاها ، وان الدوله تعينها في منصب للامومه والطفوله والمتحدث العسكري يكلمها ووزير النقل ورئيس الوزراء وبكره الرئيس السيسي يكرمها وجواهرجي يرسلها هديه والتليفزيون والقنوات تطلبها ويصورا معاها ، ده انتوامابتعملوش كده.مع ام الشهيد ، هو في ايه ، علي ايه كل ده ماهو ده الطبيعي يامصريين وكلنا بنعمل ده مع اي موقف بنشوفه مع حد محتاج ولا انتوا اتعودتوا علي السلبية وانكم تشوفوا الظلم ومتدافعوش عنه ، وتقفوا تتفرجوا خلاص موقف وعدي وانتهي ، وبعدين نسيتوا حادث قطار الاسكندرية من سنه فاتت بتاع الشابين التقطعوا تحت عجلات القطار و الكمسري رماهم من القطار وهو ماشي عشان بردوة تمن التذكرة ومحدش دفعله تمنها ولكن هو دفع عمره امام تذكرة القطار هو وصديقة وماتوا ، ومشفتش الضجه دي اتعملت والشابين ماتوا وراحوا ضحية تمن التذكرة ومشفناش حد صورهم ولا حد خلي عنده نخوة وقام دافع عنهم وقال للكمسري عيب ولا ميصحش ولا حد فكر حتي يلم تمن التذكرة عشان يدفعوا للشباب الغلبان ولا شفت التصوير ده والاهتمام ده ، لازم يكون في حل للناس دي ، هو لازم تحصل مصيبة تانية عشان نتحرك ، فبلاش هري وبلاش تأفوروها اوي يابشر وخليكم واقعيين ، ارحمونا ،
