متابعة – فاطمة يوسف
امام نواب الشعب النهاردة وقف الدكتور اشرف صبحى وزير الشباب والرياضة ، وعرض انجازات كتيرة حصلت من 2018 لـ 2020 وحكى عن انجازات عظيمة بتحصل فى نفس اللحظة اللى هو واقف فيها وعيون العالم كله على ملاعب مصر فى كاس العالم لليد، نفذنا 1199 برنامج فى محور بناء الإنسان، واستفاد منها ما يزيد عن 46 مليون مواطن ودعمنا الاندية وارتفع مؤشر مصر للمركز 38 فى الدول المؤثرة رياضياً ، وفى الوعى السياسى وحماية الامن القومى عملنا 144 برنامجا واستفاد منها ما يزيد على 2 مليون شاب، مليار ونص استثمار فى مراكز الشباب وتطوير فى البنية التحتية والخدمية ، قالها الدكتور اشرف صبحى اليوم امام نواب شعبنا الكريم ، وزارة الشباب عصب اساسى للدولة.
