جريدة الاخبارية سياسية::شاملة::مستقلة
مقالات مشابهة
كتب عادل ابراهيم
علّق الكابتن رضا عبد العال، على تصريحات كارلوس كيروش المدير الفني لـ منتخب مصر، حول المشاركة في كأس العرب.
أضاف عبد العال، خلال مداخلة هاتفية مع الدكتور معتز عبد الفتاح مقدم برنامج “تحت الشمس” عبر قناة “الشمس”: “في حاجة اسمها بكش.. كيروش بيبكش علينا.. بيضحك علينا.. عايز يطول عمره ويقولنا بعد شوية ما أنا قولتلكم إني مش هاخد البطولة العربية ولا الإفريقية، مع العلم أن دول الاتنين هما المضمونين مش الصعود لكأس العالم”.
تابع: “إن مكناش نروح نجيب كأس العرب يبقى كان بلاش نروح أحسن، وخاصةً أنها رسالة إننا هنجيب البطولة الإفريقية، إحنا المفروض ننافس على كل البطولات اللي ندخلها، أومال أنتوا جايبينه ليه؟ ومشيتوا حسام البدري ليه؟ ما كنتوا تتخلوه بقى على الأقل نوفر عملة صعبة وزيتنا في دقيقنا، أنتوا قولتوا كيروش خبير كروي، فلازم ناخد بطولة عربية وإفريقية وبعدين نسيبها على ربنا في الصعود لكأس العالم”.
