هل تم تحذيرك ان حد ممكن يحط ليك حاجة في العصير او الشراب بتاعك…
بغرض تخديرك والاعتداء عليك جنسيا..؟!
الكلام دا صح ع فكرة.!
بس الحاجة دي مش اصفرا
لا..
هى حاجة عديمة اللون والطعم والرائحة..
تدوب بسرعة في العصير او الكحول..
وتشتغل بعد وقت قصير..
يصل في بعض الأدوية الى ربع ساعة..
ويستمر مفعولها حوالي ٥ ساعات …
تسبب هذه المواد تأثير بالخدر..والنوم..ونسيان الأحداث القريبة..
وبتعمل ريلاكسشين للعضلات..
وبتقلل القلق..
وبتعمل خلل في اداراك الوقت والحركة..
الحاجة دي اسمها
Drug-Facilitated Sexual Assault
او date drug rape
او الأدوية التي تسهل او تساعد على الاغتصاب
وهى تندرج تحت نوع مشهور من الأدوية اسمه club drugs
أشهر ٣ ادوية منها:
GHB: gamma hydroxybutyric acid
ketamine
النوع الأشهر واللي متوفر في مصر وكان عليه ضجة كبيرة في العالم كله ومشكلة مع الشركة المنتجة هو rohypnol
او ابوصليبة،
اكتر مخدر تقريبا بيستخدم في الجرائم وبالذات الجنسية،
وقريب منه ايضا clonazepam او ابتاريل
والاتنين لسوء الحظ متوفرين ومتداولين في مصر،
وبيستخدموا كتير في الجرائم والجرائم الجنسية بصفة خاصة..
معلومات عن الدوا:
الروهيبنول هو الاسم التجاري للفلونيترازيبام،
وهو عقار من إنتاج شركة لاروش،
وهو يؤثر على الناقلات العصبية في المخ لإحداث الآثار المهدئة شأنه شأن البنزوديازبينات الأخرى،
وهو بالتحديد يزيد من نشاط الناقل العصبي جابا GABA (جاما أمينو حامض البوتيريك)
واللي وظيفته منع تبادل الرسائل العصبية وإرسالها واستقبالها بين خلايا المخ،
مما يؤدي إلى تقليل نشاط المخ بفاعلية،
و النتيجة هي خلود الفرد إلى النوم،
أو تأثير مهديء بشدة في حالات الجرعات القليلة .
يتم تعاطي عقار الروهيبنول المخدر بشكل ترويحي للحصول على النشوة و الاسترخاء،
وهو غالبا ما يستخدم للتهدئة من الآثار المنشطة للكوكايين وغيره من العقاقير المنشطة أو لزيادة الشعور بالنشوة المبهجة المترتبة على تعاطي العقاقير الأخرى مثل الهيروين
ويتم تعاطيه مع الكحول في حفلات الرقص والبارات،
وهو يطلق عليه club drug
الروهيبنول أقوى بكثير من البنزوديازبينات الأخرى،
وهو أقوى حوالي 10 مرات من الديازيبام (الفاليوم).
حيث يبدو المتعاطي في حالة تشبه السكر الشديد وغير قادر على السيطرة وثقيل الكلام ويبدو بشكل عام غير منسق او متسق الحركة وعلى غير طبيعته .
و المتعاطي في هذه الحالة سواء قاصد أو غير قاصد،
يكون أكثر عرضة للحوادث و الاعتداء عليه من قبل الآخرين.
ال rohypnol أنتجته شركة لاروش،
ونظرًا لتأثيره العنيف جدا والسريع جدا،
واستخدامه في العديد من الجرائم،
منعت كتير من الدول استخدامه وحظرته،
لدرجة في تجارة غير مشروعة ليه وبيتهرب من أمريكا اللاتينية لامريكا بعد ما أمريكا منعته..!!
لدرجة الشركة المنتجة عشان متخسروش في السوق
اضطرت تنزله بلون ازرق
عشان يتلون المشروب لو اتحط عليه..
لانه عديم اللون والطعم والرائحة..
ودا اللي بيسهل استخدامه..
لدرجة حصلت أزمة في السويد في ٢٠٠٤ عليه
لان القاتل اللي قتل وزيرة الخارجية في ٢٠٠٤
التحاليل كشفت تعاطيه ليه..!
الروهابينول لو اتخلط بالكحول بيكون تاثيره شديد جداا،
بيعمل فقدان للوعي و sever sedation هدوء او تهدئة رهيبة جدا،
وبيقلل ضربات القلب ومعدل التنفس
لدرجة ممكن يوصل للوفاة..
طبعا التأثيرات دي مثالية جدا لعملية اغتصاب،
حيث يكون المجنى عليه فاقد الوعي والحركة والإدراك ومشلول ومسلوب الاراداة..
والاسوء هو حدوث نسيان للأحداث القريبة..
كل دا من تاثيرات الدوا..!
ال situation اللي بيحصل
ان الضحية بعد الحادث بيكون تعبان جدا،
ومتكسر ومش واعي..وفي حالة ذهول وبكاء،
واحتمال يكون في نزيف من الأعضاء التناسلية..
او وجود افرازات..
او تهتك..
او قطع في الملابس الداخلية او الخارجية..
وفقدان للحدث وعدم تذكر ما حدث..
ومش عارف هنا ليه وازاي…!
مهم جدا،
تطمين الضحية..
ومساعدته على تذكر ما حدث..
ومساعدته على تقديم بلاغ..
استجابة سيئة بيعملها كتير من الضحايا..
وهى الخوف من الفضيحة،
وعدم الابلاغ عن الحادث،
وتخزين الخبرة الشعورية السيئة في اللاشعور
ومحاولة عدم التذكر او النسيان..!
في الغالب بيفلت الجاني من العقاب-للاسف-
المادة المخدرة بيتخلص منها الجسم بسرعة..
حوالي ١٢ ساعة-تقريبا-
(ع بال ما يفوق الضحية ويتذكر ويحاول يجمع ما حدث..حتكون المادة طلعت من الجسم..)
مهم قوي واحنا بنوعي اولادنا او حتى المراهقين او الكبار منهم:
ميشربش حاجة من عند اي حد..!
يحاول يجهز مشروبه بنفسه..!
لو حاجة من الشارع تكون مقفولة..!
يكون مع رفقة او شلة كويسة..(٣ ع الاقل)..!
لو في علامات لشكل من أشكال الاعتداء،
لابد من اخبار الاسرة وطلب المساعدة،
وعدم دفن الرؤوس في الرمال،
وافلات المجرم من العقاب.
كتير من المجرمين اللي بيحطوا الدوا دا للضحية
سواء في عصير او بيرة او كحول…
-للاسف- بيفلتوا من العقاب..
وبيكرروا فعلتهم الشنيعة..!
