سعدت كثيرا من التعليقات التى تناولها الزملاء فور الأعلان عن عنوان مقالى هذا الشهر وخاصة على بوابة العاملين بالقطاع العام فأغلبها ايد عنوان المقال وأخر أخذه بشكل التشائم ولأننى عامل مثلكم وكنت فى شركة عظيمة أسمها قلعة الصناعات الثقيلة / الحديد والصلب فللأسف هذة هى الحقيقة فعلا (( وداعا القطاع العام )) ذلك القطاع الذى وقف بجانب الدولة فى اغلب محنها الحروب والأوبئة أخيرا

والان بعد تحول العالم بأثره من نظام الأشتراكية وأنتصار معسكر الرأس مالية ياعنى احنا عمال القطاع العام كانت الحكومة هية امنا وابونا والان فى القطاع الخاص انت يتيم الابوين ياعنى لاأب ولا أم ولا تنظيم نقابى يشفق عليك

الحكاية من مقالى هذا أكتشفتها وللمرة الخامسة عند أصدار السيد عبد الفتاج السيسى رئيس الجمهورية للعلاوة الدورية لكل عمال مصر بمبلغ 1000 وبكدة الكلام واضح وكالعادة عندما وصل الموضوع لوزير قطاع الاعمال ووزير المالية وكمان معاهم لجنة القوى العاملة لمجلس النواب أقروها بالفعل لكن لقطاع الاعمال ؟؟؟؟؟؟؟؟؟؟؟

وهنا حنقف شوية وكالعادة ياعنى مش أول مرة وكلاكيت خامس مرة على التوالى اتلعبت نفس اللعبة ووجدنا عمال القطاع العام يصرخون واحد يقول كل ألى زيدته 146 والتانى يقول 400 جنية وواحد يحلف بالطلاق أنه لم يزيد عن 500 جنية وأأأأأأأأأأأأأأأألخ نفس اللعبة يلتزموا بال7% وناخد مبلغ من علاوة غلاء المعيشة ألى على جنب نحطها على الاساسى وهلما جرة ولما تسال المسئول يقولك أصل المبلغ ألى حيتحط على الاساسى هيزيد بالحافز بتاعوه ؟؟؟؟؟؟؟؟؟؟؟؟؟ ماشى

طب سؤال أيها المسؤول لومفيش عندنا حوافز وقتها ناكل طوب ياناس ياهوة علاوة الغلاء ملهاش دعوة بالكلام دة كلام السيد الرئيس واضح ذى المعاشات يعنى 15 % من الاجمالى المعاش يعنى 1000 جنية هيا 1000 جنية وياعنى ياسيادة المسؤال انت متعرفش انى القطاع العام فية دلوقتى حوالى 150 الف عامل يعنى نكرم العمال ولا تهينهم مش كدة عرفتم لية يازملاء قولت

كلمة( ودعا القطاع العام )

اتصل بى صديق لى قريبا ويعمل فى القطاع العام وقالى ياأستاذ تخيل اننا بناخد وجبة لغاية دلوقتى 160 جنية طبعا استغربت فى ظل الغلاء الذى نعيشوه لامثيل له ياعنى تمن 2 كيلو سمنة روابى هولندى مش بلدى وقولتله اشتكى لنقابتك فقالى اشتكيت ورئيس النقابة قالى فكك من الكلام دة واتلصت برئيس النقابة العامة وقالى نفس الكلام بس بدبلوماسية على طريق فوت علينا بكرة /// وقالى وانت رأيك قولتله نفس المقولة (وداعا القطاع العام ) بالفعل أيها الاصدقاء والزملاء فلنترحم جميعا على القطاع العام وللصراحة والشفافية ثلاثة مسؤلون عن تدميره / حكومات سابقة / وبعض الادارات الفاشلة / ونحن العمال نتحمل حزء كبير من هذا الانهيار والجميع يعرفها حصلنا على امتيازات ولن نحافظ عليها وقول لكم كلمة اخيرة .
وداعا القطاع العام
(( رسائل ))

الرئيس / عبد الفتاح السيسى / رئيس الجمهورية

توفير الأمن الغذائى للشعب المصرى بأسعار معقولة أولوية أولى ياريس لأنه أمن قوى والمشروعات القومية العظيمة أللى كلنا بنفتخر بيها ممكن تستنى شوية وأخيرا سعدت كثيرا بخطة زراعة القمح والبطاطس فى شرق العوينات .

الدكتور / على مصلحي / وزير التموين
على فكرة يادكتور وزارة التموين أول مانشأت اثناء الحروب العالمية وبعدها تم ألغائها علشان يامعالى الوزير المفروض بعد الحروب السلع الأستراتيجية تكون فى متناول المواطن وكمان بسعر مناسب / متهيئلى وصلت .

الأستاذ / حسن شحاتة / وزير القوى العاملة

كلاكيت تانى وتالت وعاشر مرة عايزين وزارة قوى عاملة تعمل على ارض الواقع مش شو أعلامى وخلاص ياعنى منظمة العمل تحطنا فى القايمة السودا تحطنا فى القايمة البيضاء مش مهم العمال عايزة نقابين مهتمين وكمان منظومة عمل لائقة يامعالى الوزير ؟؟؟؟؟؟؟

الأستاذ / ضياء رشوان / منسق عام الحوار الوطنى
سؤال على الهواء هل اقتصر ملف العمال فى الحوار الوطنى على اتحاد العمال والشيوعين واليسار فقط ؟؟؟؟؟؟؟؟ دة حوار سياسى معالى الامين مش حوار تراضى ؟؟؟؟؟؟؟

                  بقلم 
           أحمد فاوى الضبع 
      أمين العمال بحزب أرادة جيل 
 عضو مجلس الاتحاد العام لنقابات عمال مصر الاسبق 

مقرر عام لجنة أمانات العمال بالأحزاب السياسية المصرية