قاعد ف الضله وشمسك
ملت النور حواليا
ومشفتش الا ملامحك
والنور مالى عنيه
وسمعت خطاوى لقلبك
سبقت قالت جايه
انا قاعد خلينى جنبك
دنا محتاج حنيه
وحنانك معروف عنك
مستنى يكون ليا
انا سامع وهفسر حلمك
هعمل بيه اغنيه
توصلك لو حتى مكانك
سافر اخر الدنيا
آه يا سمره وسمارك
اجمل من اجمل امنيه
وحلاوتك زادت وجمالك
بيغيرنى ف ثانيه
يا اصيله مستنى غرامك
بين السما والميه
والبحر المشتاق لسلامك
عمال يسأل فيا
واهو فارش موجه علشانك
بس تعدى عليا
