كتب عادل ابراهيم
أن الدراسات كلها أثبتت أن المصريين القدماء لهم نفس الخصائص والطبائع الجينية من Y-DNA وMT-DNA Autosomal , SNP’S كمثل المصريين الحاليين .. وهو ما يعني أن المصريين الحاليين هم من صلب المصريين القدماء بشكل “نهائي” بعدما خرجت لنا الجينات الكاملة للمصريين القدماء وقارناها بالمصريين الحاليين ..
مع إثبات كذلك ان المصريين القدماء لم يكونوا زنو*ج في العرق أو نحوه من خرافات مرافقة..
فالدراسات العلمية الحديثه على الـ DNA والقياس الانثروبومتري ( قياس أبعاد الجسم البشري ) وقياسات العين والشعر والبشرة و الاسنان .. إلخ
وضحت ان على الرغم من كل الاحتلالات و الهجرات الأجنبية لمصر عبر التاريخ إلا إن الغالبية العظمى من المصريين النهاردة بيحتفظوا بنفس الصفات الجينية للمصريين القدماء…
وكان الفضل الأكبر فى النتايج دى بيرجع للمومياوات المصرية القديمة ، واللى فضلت محتفظة بالصفات الجينية للمصريين القدماء لآلاف السنين وكأنها متحف انثروبولوجى كامل بيقف كحائط صد قدام اى محاولة لنشر اى قصص خرافية عن أصول المصريين.
وممكن نلخص النتايج التفصيلية للدراسات دى فى السطور الجاية :
1- الغالبية العظمى من المصريين الحاليين وبنسبة ( 85٪ ) على الأقل بيحملوا نفس الصفات الجينية للمصريين القدماء..
2_ المصريين ( ولدرجة كبيرة جدا ) متأثروش بالغزوات أو الهجرات .. المصريين هم المصريين ، زى ما كانوا من آلاف السنين.
3_مصر بحكم جغرافيتها اللى خلتها معزولة طبيعيا، قدرت تثبت وترسخ أساس أنثروبولوجى جينى قاعدى استمر لآلاف السنين بدون اى تغيير أو تأثر بأى شعوب أجنبية ( وده واضح فى كل الرسومات والمومياوات والتماثيل طول فترة الحضارة المصرية القديمة .. وواضح فى نتايج كل الأبحاث والدراسات الحديثة للصفات الجينية للمصريين الحاليين )
4– الصفات الجينية اللى بيعتبرها البعض غريبة عن المصريين زى البشرة البيضة ولون الشعر والعيون الملونة صفات جديدة على المصريين .. الصفات دى موجودة بالفعل من آلاف السنين .. يعنى مش بالضرورة لازم تكون نتيجة تزاوج مع شعوب تانية .. و هنلاقي كتير من الصفات دى موجود فى عشرات التماثيل والمومياوات اللى مازالت موجودة لحد النهاردة .
